Governu liu husi, Ministeriu Transporte no Komunikasaun(MTK), hahu fahe orariu ba operasaun, ró nakroma no susesu, durante Estadu Emerjénsia, limité sira nia viajen semana ida dala ida.
“Durante ne’e ita nia pasajeirus berlin nakroma ho susesu, ne’ebé mak halo ligasaun ba enclave Oecusse no Atauru, hau hato’o ba PM oinsá mak ita, asegura nafatin konektividade via maritima nian, maibé ita limita sira nia viajen, semana ida dala ida” hateten, Ministru Transporte no Komunikasaun, José Agostinho da Silva, iha Gabineti Sosiedade Sivil, Palasiu Governu, Tersa (31/03/2020).
Govenante ne’e esplika, orariu ba berlin nakaroma nia sei halo viajen, iha loron kinta no ró sesesu halo nia operasaun iha loron domingo, atu nune’e bele asegura nafatin, ita nia nesesidade baziku populasaun nian, presu ba ró nian normal, tamba labele aproveita situasaun hodi fó peiju ba populasaun.
“Ita nia sidadaun sira husi Oecussi mai Díli ida ne’e, sei la sés husi teste ne’ebé halo husi MS tamba, Oecussi mós iha viziñu ho Indonesia, tamba ne’e ita antisipa, tamba ita nia fokus agora ne’e evita moras ida ne’e atu labele hadaet ba ema seluk, ho ida ne’e sira ne’e tenki prosede ba kuarentena tamba ita mós iha dalan illegal,” afirma, José Agostinho.Cin
