GMN TV Politika Ohin, Governu diskute prolongamentu EE

Ohin, Governu diskute prolongamentu EE

0 views

Primeiro Ministru (PM), Taur Matan Ruak, hateten, iha loron 17, fulan ne’e, Komisaun Interministerial sei halo diskusaun kona-bá prolongamentu Estadu Emerjénsia (EE) no enduresimentu ba medida prevensaun no kontrolu CoronaVirus Disease 2019 (COVID-19) iha Timor-Leste.

“Aban (ohin-red) Komisaun Interministerial sei haree kestaun rua (2), ida iha ka la’e enduresimentu ba medidas, tanba na’i deputadu sira haree deklarasaun EE ne’e hatudu dalan rigorozu teb-tebes, maibé iha implementasaun Governu uza métodu ida progresivu tuir realidade ne’ebé iha no situasaun ne’ebé iha, para labele aperta derepente populasaun no aban (ohin-red) ami sei haree mós iha posibilidade ka la’e halo extensaun ba EE”, PM VIII Governu ne’e deklara durante halo aprezentasaun ba medida prevensaun no kombate COVID-19 husi Governu ba Parlamentu Nasionál (PN), Kinta (16-04-2020).

Xefe Governu ne’e, salienta katak, durante ne’e Governu implementa regra EE tau mós atensaun ba efeitu psikolojiku, ekonómiku no sosiál no ohin sei análiza posibildade atu haforsa tan regra EE.

Tuir nia, EE la’ós solusaun ba problema COVID-19, maibé hanesan elementu ida importante hodi reforsa distansiamentu sosiál no minimiza númeru kontajiu.

Entretantu Prezidente Repúblika (PR), Francisco Guterres “Lú Olo”,  iha loron 27, fulan Marsu, liu husi Dekretu Prezidensiál númeru 29/2020 deklara EE durante loron 30, hahú husi loron 28, fulan Marsu to’o loron 26, fulan Abril, tinan 2020.

Tuir dadus husi Sentru Integradu Jestaun Krize (SIJK), to’o kinta (16/4) ne’e, Timor-Leste rejista kazu pozitivu COVID-19 hamutuk 18, ida (1) rekopera no efetivu na’in 17 kontinua halo hela tratamentu iha fatin izolamentu Sentru Saude Vera Kruz. oct


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker