GMN TV Politika PM agradese ba PN autoriza estensaun EE

PM agradese ba PN autoriza estensaun EE

0 views

Primeiru Ministru (PM), Taur Matan Ruak, agradese Parlamento Nasional, tamba autoriza ona Prezidente Repúblika atu estende tan Estadu Emerjénsia. Governu mós sei revé regra Esatadu Emerjénsia ne’ebe antes ne’e aplika ona hodi labele fó impaktu ba povu nia moris.

Hafoin debate durante loron ida tomak ikus mai Parlamento Nasional autoriza pedido estensaun Estadu Emerjénsia husi Presidente República ba loron 30 tan. Pedido estensaun ba Estadu Emerjénsia ne’e aprova ho votu a favor 37 kontra 23 abstensaun 4. Votu kontra ne’e,  mai husi deputadu sira bankada CNRT ho UDT-FM no a favor mai husi deputado sira bankada, FRETILIN, KHUNTO, PLP no PD.  Prezidente Parlamentu Nasional, Arão Noe Amaral, hateten, Parlamentu sei haruka kedas pedidu  refere ba  Prezidente Repúblika atu dekreta.

 “Lori oitavu Governo nia naran hakarak fo agradesimento ba nai deputado sira tamba bele fo autorisasaun para que sua eselensia Prezidente Repúblika bele halo renovasaun ba estadu emerjensia. Hanesan ita boot sira hatene mundo tomak terus sofre ba koronavírus to’o agora ai-moruk no vasina laiha. Medida diak mak kontinua promove hijiene, fase liman, distansiamentu sosial no medida seluk. Ita sei hare, hanesan ita boot hatene desde preimeira deklarasaun estadu emerjensia dahuluk ne’e ami usa prinsipio ida dehan proporsional no progressivo. Tamba ne’e ita sei dauk halo enduresimento ida makas liu, mas kuando nesessáriu sei halo, mas por enkuanto ami sei hare didiak tuir realidade ita nian. Tamba ita labele endurese demasiado antes do tempo”, hatete Primeiro-Ministro, iha Parlamento Nasional segunda (28-04).

Primero-Ministro mos agradese ba mediku, polisia, bombeiro no sidadaun  sira ne’ebe mak iha lina oin hodi ajuda Governo hodi kombate covid-19. Taur mos afirma katak exekutivo sempre iha sidadaun sira nia kotuk hodi kombate coronavírus foun.

Entretanto tuir pedidu Presidente Repúblika  Estadu Emerjénsia ba faze daruak sei hahú iha loron 27 fulan ne’e no sei remata iha loron 26 fulan maiu. No Parlamentu Nasional aprova ona pedidu estensaun Estadu Emerjénsia ne’e no haruka ona ba PR Lú Olo.oct

 


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker