GMN TV Politika PM Taur agradese PR Lú Olo fó konfiansa ba VIII Governu

PM Taur agradese PR Lú Olo fó konfiansa ba VIII Governu

0 views

Primeiru Ministru (PM), Taur Matan Ruak, agradese, konfiansa ne’ebé mak Prezidente Repúblika (PR), Francisco Guteres Lú Olo ni’an ba VIII Governu konstituisionál.

Pandemia coronavírus (COVID-19) ne’ebé sai surtu globál iha mundu, inklui mós nasaun doben timor-leste, prezidente repúblika kontinua fó fiar, ba oitavu governu, ne’bé lidera husi Primeiru Ministru, Taur Matan Ruak, tanba ho problema ne’e, prejiza ema hotu nia kontribuisaun, li-liu hanesan xefe ezekutivu

“Agradese Prezidente kona-ba konfiansa ne’ebé fó mai oitavu governu, liu-liu Primeiru Ministru atu kontinua dezempeña ninia servisu lidera oitavu governu. Hanesan ita boot sira hatene há’u retira fila fali há’u nia pedidu de demisaun iha sua eselensia senhor prezidente repúblika aseita i fó nia konfiansa tomak ba oitavu governu konstituisionál”,dehan  Primeiru Ministru, Taur Matan Ruak, ba jornalista sira hafoin remata enkontru semanál, ho Xefe Estadu iha Palásiu Prezidensiál Bairu-Pité, Sesta (17/04).

Antes ne’e, hatan ba primeiru ministru, taur matan ruak, prezidente repúblika kontinua iha fiar ba governu, no husu esforsu máximu, atu bele minimiza efeitu coronavírus, ne’ebé timor-leste mós rejista ona kazu pozitivu surtu covid-19

Xefe Governu, Taur Matan Ruak aprezenta nia karta demisaun ba xefe estadu, iha tersa (25/02) no retira hikas pedidu refere iha kuarta (08/04).

Tuir deklarasaun Primeiru Ministru, Taur Matan Ruak, Aliansa Mudansa ba Progresu laiha ona, tanba CNRT vota abstein ba Orsamentu Jeral Estadu 2020  liu ba, nune’e to’o agora Estadu funsiona deit ho orsamentu duodésimu iha ne’ebé hamate dezenvolvimentu fíziku sira. Alende ne’e Partidu CNRT ho KHUNTO ne’ebé forma VIII Governu “la armonia ona ho PLP” nune’e ba hamutuk tiha ona ho Partidu Demokrátiku, UDT, FM, PUDD hodi forma tiha Aliansa Maioria Parlamentar no indijita ona Kay Rala Xanana Gusmão nu’udar Primeiru Ministru atu bele solusiona impase polítiku ne’ebé dura to’o ohin loron. No  PLP ne’ebé lidera husi Taur Matan Ruak rasik ba asina ona nota entendimentu ida ho FRETILIN foin lalais maske ho estatutu minoria, ho objetivu atu forma Governu dasia iha ne’ebé la maioria parlamentar. Tanba ne’e, to’o oras ne’e dadauk mos Prezidente Repúblika la foti ba kestaun ho konstelasaun polítika ne’ebé la’o iha rai-laran, maske sosiedade sivíl ho povu sira lamenta no ezije atu PR Lú Olo bele hakotu lalais ona impase polítiku iha rai-laran ne’e.Ina


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker