GMN TV Politika PM Taur retira pedidu demisaun husi PR

PM Taur retira pedidu demisaun husi PR

0 views

Primeiru Ministru (PM), Taur Matan Ruak, retira fali pedidu demisaun, ne’ebé nia aprezenta ona ba Prezidente Repúblika (PR) Francisco Guteres Lú Olo.

Primeiru Ministru Oitavu Governu konstituisionál, Taur Matan Ruak, retira tiha ona nia pedidu demisaun ne’ebé haruka ba Prezidente Repúblika iha loron, Tersa (24/03/2020).

Razaun, Xefe Governu dada fila pedidu demisaun ne’e, tanba, Timor-Leste enfrenta hela situasaun Corona Virus Disease 2019 (COVID-19), nune’e presiza Timor-oan hotu nia esforsu.

Hatan ba retira pedidu demisaun husi Primeiru Ministru Taur Matan Ruak, Prezidente Repúblika kontinua fó apoiu ba Governu no husu esforsu máximu, atu bele minimiza efeitu COVID-19, tanba Timor-Leste mós rejista ona kazu pozitivu ida.

Taur Matan Ruak, hato’o lia hirak ne’e ba jornalista sira, hafoin remata enkontru ho Xefe Estadu Francisco Guterres Lú Olo, iha palasiu prezidensial Nicolau Lobato, Bairro-Pite, Kuarta (08/04/2020).

“Ha’u retira fali ha’u nia aprezentasaun pedidu demisaun ba sua exelensia prezidente repúblika, tanba ha’u sente katak iha momentu hanesan ne’e nasaun presiza ita hotu liu-liu ha’u hanesan Primeiru Ministru tenke fó nia prestasaun boot ba ita nia nasaun entaun ha’u retira fila fali”,dehan, Primeiru Ministru, Taur Matan Ruak.

Antes ne’e, Prezidente Repúblika, Francisco Guterres Lú Olo deklara katak, estuda hela pedidu demisaun Xefi ezekutivu nian, maibé to’o agora ladauk pronunsia buat ruma no ikus mai Taur Matan Ruak deside retira pedidu ne’e.Ina

 


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker