GMN TV Politika PN ejiji ba Governu atu kria kondisaun diak ba povu bainhira estende EE

PN ejiji ba Governu atu kria kondisaun diak ba povu bainhira estende EE

0 views

Segundu Viçe Prezidenti Parlamentu Nasionál (PPN), Luis Roberto hatete, nu’udar membru parlamentu husu nafatin governu atu halo intervensaun seriu, ba komunidade sira liu-liu ba povu mukit sira iha period Estadu Emerjénsia (EE) wainhira estende fali.

“Ita labele kria EE hodi fó mukit fila fali ba ita nia povu, ida ne’e labele, ami nu’udar reprezentante povu iha PN, ejiji ba governu atu kria kondisaun diak ba povu, wainhira atu estende tan EE, no atu estende tan EE presiza kria uluk kondisaun diak ba ita nia povu, atu labele hamlaha no hamrok ba ai-han,” afirma, Vice PPN, Luis Robertu, iha Parlamentu Nasional, Kinta (23/04/2020).

Segundu Viçe PPN epslika, tuir PN nia haree fahe osan ba povu, fiar katak sira labele responde ba nesesidade baziku sira nian, diak liu ita distribui ai-han ba ita nia komunidade sira, hanesan fos, mina bazeia ba nesesidade ne’ebé mak komunidade Timor-oan sira konsumu kada loron.

Membru deputadu ne’e mós husu, Governbu atu bele kalkula osan, hodi sosa sasan fó ba komunidade, atu nune’e komunidade sira bele senti, tamba fó deit osan tuir nia hanoin ladun diak karik, sé diak liu mak fahe ai-han ba komunidade sira, governu tenki oferese deit ai-han labele osan.

“PN kria lei ida hodi kontrola kona-ba planu governu, tamba ne’e orgaun hotu presiza koopera hodi haree ba asuntu ida ne’e, atu nune’e ezekuta planu ruma tuir nia dalan, bainhira atu fahe osan ou ai-han ruma ba komunidade, ita sei kria lei ida hodi kontrola ida ne’e” akresenta, Luis.

Governu parese ke iha ona lei ruma ba asuntu ida ne’e, maibé PN iha dever atu haree lei ne’e iha vantajen ka lae, bainhira laiha vantajen PN mós iha dever atu halo mudansa.

“Osan ne’ebé ita koloka ba asuntu refere, tokon USD 150 presiza halo jestaun ne’ebé diak, atu nune’e bele jere osan refere, tamba ne’e lideransa hotu tenki hamutuk hodi jere osan ne’e, atu nune’e kontribuisaun ne’ebé mak sei fó ba komunidade to’o iha sira nia liman, no sira mós bele senti nia benefisiu,” afirma, Luis Roberto.Cin


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker