GMN TV Politika PN ezije Governu apoia asisténsia sosiál ba povu

PN ezije Governu apoia asisténsia sosiál ba povu

0 views

Parlamentu Nasionál (PN) liu hosi Prezidente PN, Arão Noe Amaral, ezije governu atu apoia asisténsia sosiál ba povu vulneravel sira, no povu ne’ebé laiha lakon nia saláriu durante Estadu Emerjénsia.

Tuir nia, povu presiza hasa’e imunidade, tanba imunidade di’ak bele luta hasoru COVID-19 ne’e.

“ Se ita estende, governu tenke aselera ona implementasaun subsidiu ba ema sira ne’ebé laiha saláriu, la’os ba hotu-hotu, hau nia opiniaun, fó ba ema ne’ebé lakon nia servisu tanba estadu emerjensia ne’e,

Liu-liu ba povu sira ne’ebé laiha rendimentu fiksu ruma atu hodi sustenta nessesidades lor-loron, maibe hau hanoin ne’e la’os kompetensia PN nian, mais iha lei deskreve klaru atu ko’alia,

Tanba iha autorizasaun ba governu $250 milloens ne’e, iha $150 ba fundu COVID-19 ne’e, desagrega iha ne’ebá, item lubuk ida para hodi halo buat sira ne’e,

Tanba ne’e, ami hein katak governu bele aselera prosesu, no labele husik populasaun sira afeitadu, terus aat liutan,

Tanba ne’e, mak hanesan reprezentante povu ami preokupa ho situasaun ne’e.”hateten PPN Noe ba jornalista iha PN, Segunda(20/04/2020).

Tuir líder másimu órgaun lejisladór ne’e, defisil atu halo rekooperasaun ekonomia rai laran iha situasaun atúal, tanba limitasaun ba atividade hotu, inklui atividade komersial.

“ Kona-bá rekoperasaun ekonomika ne’e hanoin ita ko’alia depois de krize ida ne’e liu,

Se ita ko’alia rekoperasaun  ekonomika agora, ho situasaun ida ema ida-idak tenke  tur iha nia uma no labele faan sasán, oinsa mak atu rekopera, tanba ne’e ita kuandu ko’alia kona-bá rekoperasaun iha situasaun normal, nune’e fó subsidiu ema bele faan fila fali,

Para nune’e ema hotu-hotu bele servisu no funsionamentu normal, maibe faze agora ne’e seidauk bele konsidera hanesan rekooperasaun ekonomika,

Agora ita ko’alia kona-bá atendimentu sosial, atu ema bele aguenta nia moris durante situasaun estadu emerjensia ne’e,

Tanba husi WHO dehan katak ita nia estamina ne’e mak ladi’ak moras ne’e tama lalais, maibe kuandu ita han hahán ne’ebé sufisiente, maibe presiza iha osan hodi hola hahán, ida ne’e mak ita tenke hanoin solusiona lalais.

Iha faze ida dadauk ne’e governu presiza duni fó insentivu para ema bele sustenta nia nessesidades uma laran, hodi fó asistensia ba populasaun bele ultrapassa situasaun ne’e,”subliña Prezidente PN ne’e.

Iha Sesta-feira semana kotuk, liuhosi reuniaun inter-ministeriál, Governu aprova ona, medidas intergradu iha setór ekonómiku hamutuk neen, kompostu husi konetividade transporte, distribuisaun bens esensiais, haree ba telekomunikasaun sira, servisu bázikus, kréditu inklui apoiu direta ba sidadaun sira, hamutuk pakote ida, iha proposta ne’ebé aprezenta husi  Ministru Estadu Koordenadór Asuntu Ekonómiku Interinu, Fidelis Leite Magalhães.

Maske nune’e, ministériu ida-idak, mak sei implementa medidas sira ne’e tuir polítika ministériu nian, nune’e kontinua garante distánsia sosiál.Say

 


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker