GMN TV Politika PN seidauk simu informasaun estudante kontinua selu propinas iha EE

PN seidauk simu informasaun estudante kontinua selu propinas iha EE

0 views

Sekretáriu komisaun G ne’ebé trata asuntu edukasaun juventude, desportu no sidadania iha Parlamentu Nasionál (PN), Gabriel Soares, hateten, to’o agora komisaun G seidauk simu informasaun kona-bá durante implementasaun Estadu Emerjénsia (EE),  estudante hirak ne’ebé estudu iha eskola privadu no internasionál kontinua selu  propinas.

“Husi komisaun  G ne’ebé  trata  asuntu edukasaun, joventude, desportu no sidadania, informasaun ne’e ami foin hetan, maibé tuir ita hotu hatene kuandu Governu submete proposta ba Xefe Estadu no Prezidente Repúblika (PR) husu autorizasaun mai iha PN”, Sekretáriu komisaun G ne’e ba GMN iha PN, Kinta (23-04-2020).

Reprezentante povu ne’e, informa, molok PN autoriza PR deklara EE, estudante sira tantu iha eskola privadu no públiku, feriadu uluk ona semana ida.

Ho informasaun ne’e, komisaun G PN sei informa kestaun ne’e, ba Ministériu Edukasaun Joventude no Desportu (MEJD) hodi orienta inspetor sira atu buka informasaun kona-bá kestaun refere.

“Ami husi parte deputadu sira seidauk hetan informasaun ne’e, ami foin rona, ami sei buka to’ok informasuan ne’e, loos ita hatene eskola feriadu, sa tan iha situasaun EE aktividade la la’o, sa tan liga ho propinas, selu osan fulan ba eskola, sé bainhira estudante sira selu tenke iha aktividade, sé la iha aktividade ita selu estudante sira la la’o. Tanba ne’e, PN husu ba MEJD inspetor eskola buka tuir informasuan ne’e, sé bainhira informasaun ne’e loos duni, sa medidas mak ministériu sei koordena ho prezidente fundasaun ho diretor, hodi haree to’ok asuntu ne’e no bele halo justifikasaun razaun ruma”, tenik Gabriel.

PN autoriza PR dekreta EE durante fulan ida (1), hahú husi loron 28, fulan Marsu liu ba no remata iha loron 26, fulan Abril  ne’e no iha loron 22,  fulan ne’e, PR haruka ona karta ba PN hodi debate estensaun ba EE fulan ida (1) tan. ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker