GMN TV Politika PR Lú Olo haruka ona karta estensaun Estadu Emerjénsia ba PN

PR Lú Olo haruka ona karta estensaun Estadu Emerjénsia ba PN

0 views

Hafoin reuniaun Konsellu Estadu (KE) no Konsellu Superior Defeza no Seguransa (KSDS), ne’ebé hala’o iha Palaçio Presidencial, Bairo Píte-Díli, iha loron 22, fulan ne’e, no konsellu rua ne’e husu Xefe Estadu haruka karta ba Parlamentu Nasionál (PN), hodi halo debate ba estensaun Estadu Emerjénsia (EE).

Hafoin ne’e, iha parte lorokraik Prezidente Repúblika (PR), Francisco Guterres “Lú Olo”, liu husi Gabinete Prezidensiál haruka kedas karta refere ba PN, hodi diskute prolongamentu ba EE ho objetivu hodi satan povu husi pandémia Corona Virus Disease 2019 (COVID-19).

“Ha’u hakarak informa ba ita-boot sira, depois de reuniaun konsellu rua KSDS no mós KE no konsellu rua ne’e pur unanimidade rekomenda ba PR atu haruka karta ba PN atu halo estensaun ba EE, detalhos EE ni’an hanesan nafatin ida uluk lei ne’e, agora Governu presiza halo medidas ne’ebé mak di’ak liu para povu sira hatene loloos EE ida ne’e no mós moras ida coronavirus, intensaun atu hanaruk EE ne’e objetivu ida de’it, mak Estadu ou Governu hadomi nia povu ida ne’e atu salva povu ida ne’e husi moras no husi mate, ne’e mak objetivu primeiru liu, tanba ne’e por detalhos sei regula husi dekretu, implementasaun ne’e husi Governu no konsellu rua ne’e rekomenda unanimidade ba PR bele haruka karta estensaun ba PN atu estende EE”, Deklara Xefe Casa Civil Prezidensia Repúblika, Francisco de Vasconcelhos.

Iha karta ne’e rasik, hateten, deklarasaun EE solisita ba PN, atu estende tan EE ba loron 30, hahú husi oras 00:00, loron 27, fulan Abril to’o oras 23:59 loron 26, fulan Maiu, tinan 2020.

Reuniaun KE no KSDS ne’e, partisipa husi Xefe Governu, Taur Matan Ruak, Ministru Defeza no Interior Interinu, Ministru Negósiu Estranjeiru, Ministru Justísa, eis Primeiru Ministru, Rui Maria de Araújo, líder máximu F-FDTL, Komandante Jerál PNTL, eis PR, José Ramos Horta, membru PN, inklui reprezentante sosiedade sivíl. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker