GMN TV Politika PR Lú Olo ofisialmente dekreta estensaun EE

PR Lú Olo ofisialmente dekreta estensaun EE

0 views

Prezidente Repúblika (PR) Francisco Guteres Lú Olo, ofisialmente dekreta tan estensaun Estadu Emerjénsia (EE) ba fulan ida tan, hodi fó espasu ba Governu atu luta kontra hasoru pandemia Corona Virus Disease 2019 (COVID-19).

Relasiona ho surtu Corona Vírus Disease 2019 (COVID-19) ne’ebé mak Timor-Leste rejiztu ona kazu pozitivu husi loron ba loron, Xefe Estadu Francisco Guterres Lú Olo, ofisialmente deklara tan estensaun Estadu Emerjénsia ba loron 30 tan, hodi fó biban ba governu hodi kombate COVID-19, hodi proteje povu doben Timor-Leste husi pandemia ne’e.

“Ita prejiza duni hatutan Estadu Emerjénsia ba fulan ida tan atu governu no entidade relevante sira bele prepara di’ak liu tan ba situasaun sira temi iha leten, hafoin ha’u simu pedidu husi governu, iha 20 abril 2020, tuir lei haruka, prezidente republika konsulta uluk ho konsellu defeza no seguransa no konsellu estadu molok husu autorizasaun husi parlamentu nasionál, kuarta lokraik 22 abril, prezidente repúblika hakerek ba prezidente parlamentu nasional ho mensajem katak ita prejiza hatutan estadu emerejénsia no fó kbiit ba governu foti medida espesifífiku atu prevene no kontrola moras COVID-19, haree ba rezultadu votasaun afavor husi maioria deputadus iha parlamentu nasional, ha’u deklara katak Estadu Emerjénsia estende husi 28 abril no sei remata iha 27 maiu tinan ne’e,” deklara, Xefe Estadu, Francisco Guteres Lú Olo, iha Palacio Prezidensial Bairro Pite, Tersa (28/04/2020).

Tuir, Xefe Estadu difísil atu dekreta estensaun Estadu Emerjénsia, tanba fó limitasaun ba ba ema nia diretu, tanba Estadu Emerjénsia afeta makas ba vida populasaun ni’an.

Maske ho situasaun ne’e lori sofrementu ba populasaun iha Timor-Leste hodi enferenta susar oi-oin, maibé governu brani halo estensaun Estadu Emerjénsia ba fulan ida tan, tanba hakarak salva moris ema ni’an.

Pedidu prezidente repúblika ni’an ne’e hetan votu afavor 37, kontra 23 no abstensaun 4, iha parlamentu nasionál iha segunda loron 27 fulan ne’e.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker