GMN TV Politika PR promulga ona pedidu levantamentu FP tokon USD250

PR promulga ona pedidu levantamentu FP tokon USD250

0 views

Prezidente Parlamentu Nasionál (PN), Arão Noe, informa, Xefe Estadu, Francisco Guterres “Lú Olo” promulga ona pedidu levantamentu orsamentu Fundu Petrolíferu (FP) ho montante  tokon USD250, hodi finansia ba prevensaun coronavirus (COVID-19) no reforsa orsamentu iha kofre Estadu.

“Sim hanesan ita boot sira hatene lei ne’e aprova kedas iha Kinta semana  kotuk, Sesta dader komisaun C aprova testu finál, lokraik tuku 02:00 haruka kedas ba Prezidente Repúblika (PR), horiseik lokraik ha’u simu  tiha ona, PR promulga tiha ona dekretu lei ne’ebé PN haruka ba ohin dader haruka ona ba Grafica Nacionál publika tiha ona iha Jornál da Repúblika ho lei númeru 2/2020, autorizasaun ba halo levantamentu FP ho montante tokon USD250“, Prezidente PN ne’e ba jornalista sira iha PN, Tersa (07-04-2020).

Xefe Órgaun lejislativu ne’e, subliña, dekretu lei ne’e PR Lú Olo promulga ona no haruka ona publika iha Jornál da Repúblika, tanba ne’e, lei refere tama ona ema vigor.

“Agora kabe ba Governu rekore ba FP atu foti osan tokon USD250, husi ne’e bele finansia atividade rua kriasaun fundu COVID-19 ho montante tokon USD150, tokon USD100 reforsa kofre Estadu, hodi finansia rejime duodesimal to’o aprovasaun Orsamentu Jerál Estadu (OJE) tinan 2020. Tokon USD150 Governu sei ezekuta tuir artigu 31, lei númeru 8/2013, lei orsamentu jestaun finanseira aplika tokon USD150 ba fundu COVID-19 Governu autorizadu ba aplikasaun fundu ne’e la uza artigu 31 ho 38 lei orsamentu jestaun finanseira ni’an”, tenik Arão.

Nia relata, Governu bele regula ho dekretu governu, maibé ne’e kabe ba kompeténsia Governu atu jere tokon USD100 iha kofre Estadu, tanba ninia implementasaun nafatin tuir rejime duodesimu ne’ebé regula iha artigu 31, lei orsamentu jestaun finanseira.

“Iha artigu lima (5) ba lei ne’e, ko’alia espesífiku oinsa Governu atu ezekuta ba fundu COVID-19, implementasaun fundu COVID-19 la aplika artigu 31 no artigu 38 lei orsamentu jestaun finanseira, iha lei ne’e hateten OJE 2020 aprova orsamentu milliaun USD250 ne’e, inklui iha OJE 2020 sira sei hala’i hamutuk ba iha lei OJE 2020”, hateten Xefe Órgaun lejislativu ne’e.

Pedidu levantamentu husi PN ne’e, Xefe Estadu promulga no haruka ba PN, iha Segunda, loron 6, fulan Abril, lokraik no públika ona iha Jornál da Repúblika.

Entretantu, pedidu  levantamentu FP husi Governu ne’e, PN aprova iha loron 2, fulan Abril, ho votus unanimidade. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker