GMN TV Politika AMP manan, Ramos Horta prontu kontribui

AMP manan, Ramos Horta prontu kontribui

0 views

Laureadu nobel da paz, José Ramos Horta, ne’ebe apoia ona ba FRETILIN ne’e hateten, bainhira Koligasaun Aliansa Mudansa ba Progresu (AMP) manan iha eleisaun antesipada ne’e, nia prontu fo kontribuisaun atu AMP bele governa rai ne’e ba tinan lima mai.

Tuir Ramos Horta, bainhira rezultadu eleisaun antesipada sai, entidades hotu tenki hakruk ba desizaun povu nian, li-liu lider polítiku sira tenki hatudu sira nia sentidu Estadu.

“Ba ha’u mak ida ne’e, se AMP manan, ha’u hakruk ba desizaun povu nian, no sei kontribui para hakalma situasaun, para AMP bele Governa. Se FRETILIN mak manan, ha’u mós kontenti tanba ha’u mós kampaña ba FRETILIN, no ha’u hateten dala barak ona ba militante FRETILIN sira katak, se mak manan, tenki manan ho dignidade no umildade,” tenik Horta iha nia rezidensia Meti-Aut Dili, Sabadu (12/05).

José Ramos Horta hateten, loron 12 Maiu ne’e, loron importante tebes ba povu Timor Leste, tanba kampaña eleitoral durante fulan ida liu tiha ona.

“Kampaña remata, ohin (horseik) ita ida-ida ba vota partidu ne’ebé nia konsensia, nia hakarak no nia fiar. Ita hein de’it rezultadu eleisaun, indikasaun no dalan atu ba ne’ebé. Iha karik reklamasaun ruma, kada partidu iha direitu liu husi sira nia fiskal sira, tenki hateten kedas iha momentu kuandu kontazen de votus la’o hela,” katak Ramos Horta.

Maibé Horta dehan, importante mak buat hotu tenki la’o tuir lei, labele halo violensia, ita ko’alia nu’udar ema sensibilizadu no ema edukadu, li-liu lider sira tenki hatudu sira nia sentidu Estadu, no sira nia dignidade rasik.

 “Ha’u nu’udar lider ida ha’u la konkorda karik ho rezultadu diskonfi ruma, komesa hahú hakilar no halo akuzasaun tu’un sa’e. rezultadu konfirmadu tiha, se mak manan ita hakruk ba desizaun povu nian, no hot-hotu tenki apoiu Governu foun mai,” relata Ramos Horta.

Tuir Ramos Horta, rezultadu eleisaun antesipada ne’e, se FRETILIN mak lakon mós, tenki hakruk ho umildade ba AMP ne’ebé mak manan, tanba manan ka lakon tenki hatudu umildade.

Ramos Horta konsidera eleisaun antesipada ne’e hanesan mistériu bo’ot ida, tanba hot-hotu iha konfiansa atu manan.

“Ha’u espera atu FRETILIN manan, mas psikologikamente no polítikamente preparadu para AMP manan, maibé importante mak ne’e, se mak manan tenki hatudu sentidu umildade, tanba povu nia konfiansa no se mak manan mós tenki hatudu sentidu umildade,” katak Ramos Horta.

Nune’e mós Meti-Aut, Joven Fernando Baptista Xavier senti kontenti tanba nia votus mak bele determina futuru nasaun no futuru povu Timor Leste.

“Ha’u nia esperansa mak, Governasaun ida mai ne’e, Governasaun ida diak liu tan, atu garante povu nia moris diak ba futuru, tanba ita hatene katak, fim Estadu mak moris diak povu,” relata nia.

Nia mós espera katak, iha eleisaun antesipada ne’e karik laiha partidu ida mak manan maioria, partidu polítika sira tenki tu’ur hamutuk hodi tau ás interese povu nian duke sira nia interese privadu.cos


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker