GMN TV Politika AMP sei implememta programa dezentralizasaun iha kada munisípiu

AMP sei implememta programa dezentralizasaun iha kada munisípiu

0 views

Porta voz Aliansa Mudansa ba Progresu (AMP), Taur Matan Ruak, hateten, wainhira AMP lidera VIII Governu iha sei implementa programa dezentralizasaun iha kada munisípiu atu nunee autoridade iha munisípiu rasik jere orsamentu ne’ebé iha hodi dezenvolve suku no aldeia sira.

Alende ne’e, Taur hateten, wainhira AMP hetan konfiansa husi povu hodi ukun mak sei implementa programa dezentralizasaun iha munisípiu sira, hanesan tau osan iha kada munisipiu atu atu jere hodi atende ba nesesidade povu nian iha suku no aldeia sira.

"Ita mos iha estrada ba suku no aldeia sira ita tenki hadia, eletrisidade familia barak seidauk hetan halo nusa maka dada eletresidade too hotu, tinan 5 nia laran ita nia populasaun 75% iha ahi, agora oinsa mak 25% nee ita labele halo? Nee kiikoan", hateten Porta Voz AMP Taur Matan iha komisiu koligasaun AMP nian iha kampu Viqueque Vila, munisipiu Viqueque, Sabadu (5/5).

Iha fatin hanesan, Prezidenti AMP, Kay Rala Xanana Gusmão, iha nia intervensaun kompromete, sei fo atensaun ba joven sira atu bele asesu ba servisu no apela mos ba joven sira atu muda mentalidade no hahalok aat hodi hamutuk dezenvolve Timor Leste hodi sai nasaun ne’ebé prosperu no progresu.

"Ita sei fo atensaun ba jovem sira hotu. Iha demokrasia nia laran ita respeita ema, la’os sosa ema ho osan. Ba foin sa’e sira iha Watulari, karik iha nee mos, iha Watucarbau, karik iha Ossu mos, karik iha Lakluta mos ha’u husu boot ba imi, imi mate iha bandeira Fretilin nian, maibe labele estraga ema seluk, tempu to’o ona atu muda imi-nia hanoin aat, hili dalan loos mai AMP, la obriga imi atu tama AMP, ita halo mudansa ba hahalok no hanoin aat sira hotu hodi dezenvolve ita-nia rain,”apela Prezidenti AMP, Kay Rala Xanana Gusmão.

Kampaña AMP ne’ebé hala’o observa husi CNE, insituisaun relevante sira no hetan seguransa masimu husi PNTL munisípiu Viqueque no F-FDTL.ias


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker