GMN TV Politika Arão Noe: Lista sombra VIII Governu iha MedSos falsu

Arão Noe: Lista sombra VIII Governu iha MedSos falsu

1 views

Koordenador jeral komisaun jurisdisaun, Arão Noe Amaral, klarifika, lista sombra kona-ba estrutura VIII Governu ne’ebé publika iha Media Sosial (MedSos) durante ne’e falsu no laloos.

Bloku koligasaun Aliansa Mudansa ba Progresu (AMP), oras ne’e sei prepara no seidauk publika ofisialmente ba públiku, tanba Tribunal sei anunsia rezultadu eleisaun antesiapda parlamentar.

“Saida mak tau rumores iha media sosial facebook, tau estrutura oioin ne’e laloos, agora to’o ona faze dala tolu tan, orsida tau primeiru ministru ida no ida seluk tau ida ne’eba, tau ministru oioin, ha’u klarifika ba públiku katak, saida mak la’o iha media sosial ne’e laloos, tanba AMP to’o agora seidauk publika ofisialmente ba públiku konaba VIII Governu nia estrutura. AMP sei fo sai bainhira Tribunal fo sai ona rezultadu final konaba eleisaun nian, ne’eduni saida mak agora dadaun sirkula iha media sosial ne’e laloos, ne’e ema sira ne’ebé hakarak buka estraga situasaun, hodi provoka insulta malu iha media sosial,”Arão klarifika ba jornalista iha Parlamentu Nasionál, semana ne’e.

Koordenador jurisdisaun AMP ne’e informa tan, organigrama governu no programa inklui Orsamentu Jeral Estadu ba tinan 2018, preparadu ona, hodi hein rezultadu final ne’ebé Tribunal sei anunsia, hafoin AMP ofisilamente fo sai estrutura VIII Governu no Parlamentu ba V lejislatura.

“Normalmente partidu ne’ebé mais votado nia tenke prepara ona kondisaun antes, liu-liu ho situasaun ida hanesan agora, durante fulan walu ita moris ho inserteja polítika,  entaun partidu ka koligasaun ne’ebé manan, nia tenke iha preparasaun ona para, depoisde anunsia ne’e sasán sira ne’e hotu bele la’o lalais, atu nune’e bele retoma fali situasaun normal hanesan uluk, tanba ita hatene katak agora ita problema bo’ot ba orsamentu iha 2018, estadu moris de’it ho duo désimu, ne’e ita uja osan restu de’it, osan 2017 no fundu rezerva,”hateten Noe.

Relasiona ho inserteja polítika no preokupasaun sira ne’ebé mensiona, kuadrus AMP ne’e sujere ba orgaun Tribunal Rekursu, ba interese estadu nian, atu bele aselera prosesu hodi anunsia rezultadu eleisaun nian, atu nune’e labele estraga tempu hodi fo impaktu ba povu nia moris no bele ultrapasa lalais situasaun inserteja hirak ne’ebé Timor-Leste enfrenta hela.

Rezultadu apuramentu ne’ebé fo publika iha Komisaun Nasionál ba eleisoens(CNE_sigla iha lian Português), bloku koligasaun AMP ne’ebé kompostu husi partidu CNRT, PLP no Khunto, manan absoluta ho kadeira 34 (49.59%), Fretilin segundu mais votadu ho kadeira 23 (34.18%), PD kadeira 5 (8.05%) no koligasaun FDD hetan kadeira 3 (5.50%).Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker