GMN TV Politika Debate ParPol iha CNE, PR Lú Olo apela povu rona programa ParPol

Debate ParPol iha CNE, PR Lú Olo apela povu rona programa ParPol

0 views

Prezidente Repúblika (PR), Francisco Guterres “Lú Olo” apela ba povu tomak, iha  teritoriu nasional no rai liur, atu rona di-diak programa ne’ebé Partidu Polítiku (ParPol) 4 no koligasaun 4 aprezenta durante debate loron rua (2) iha salaun Lalini-Larigutu, Comissão Nacional de Eleições (CNE), hodi sai sasukat determina votus iha Eleisaun Antesipada (EA), loron 12, fulan Maiu, tinan ne’e.

“Maun, bin no alin sira, ita hakarak sai nasaun ida ne’ebé kore-an husi mukit, kore-an husi hamlaha no kore-an husi nakukun laran.  Ita-hakarak moris ho haksolok liután, ita hakarak uza liu tán ida-idak ninia matenek programa no proposta husi partidu no koligasaun partidária sira tenki buka hetan objetivu sira ne’e. Ohin (horiseik-red), liu husi debate ida ne’e, partidu no koligasaun ida-idak sei hato’o, haksesuk no haklaken ida-idak ninia hanoin no hakarak, ita mós sei rona no refleta ho laran-hakmatek, no ita hotu sei vota iha loron 12 Maiu mai,” PR Lú Olo liu husi ninia diskursu hodi halo abertura ba debate ParPol 8, iha salaun CNE, Kolmera, Díli, Kuarta (09-05-2018).

Nia informa, Timoroan hotu-hotu hili dalan liu husi fó votus ba ParPol 4 no koligasaun 4 ne’e, importante ba futuru nasaun ninian no ba futuru povu Timor-Leste.

“Ita-nia povu hakarak rona proposta sira ne’ebé bele hatán ba sira-nia aspirasaun, sira-nia mehi, sira-nia hakarak. Ita-nia povu hakarak dirijenti polítiku sira hato’o proposta ho hun no dikin, ne’ebé sei hala’o duni bainhira sai ukun nain, koalia lia-loos ba povu.  Hato’o programa no polítika ne’ebé bele nakfila Timor-Leste ba nasaun ida ne’ebé la iha kiak no mukit,” hateten PR, Francisco Guterres ‘Lú Olo’.

Nia akresenta, povu Timor-Leste tenki rona programa husi partidu polítiku sira ne’ebé hala’o debate, tanba Timor-Leste presiza Timoroan hotu ninia hanoin klean atu tetu programa husi partidu no koligasaun ida-idak, iha ambiente paz no estabilidade.

Reprezentante partidu 4 no koligasaun 4 ne’ebé partisipa iha debate ne’e maka hanesan Ano Gusmão husi PEP, Mariano Assanami Sabino husi PD, João Saldanha husi PR, Antoninho Bianco husi FRETILIN, João Gonçalves husi MSD, reprezentante MDN Reis Kadalak, Fernando Gusmão husi FDD  no AMP reprezenta husi Fidelis Magalhães.

Debate ne’e organiza husi CNE asisti direta husi Ministru Defeza no Seguransa, Segundu Komandante Jeral PNTL, Reitor UNTL no observa husi observador nasional no internasional. Debate ne’e hala’o durante loron rua, abertura iha loron 8 no sei remata iha loron 9, fulan Maiu, tinan ne’e. ves


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker