GMN TV Politika Deputadu IV lejislatura hahú hamamuk fatin

Deputadu IV lejislatura hahú hamamuk fatin

0 views

Deputadu IV lejislatura ne’ebé kompostu husi bankada 5, (Fretilin, CNRT, PLP, PD no KHUNTO, hahú hamamuk fatin, hodi haloot ona dokumentus privadu no servisu nian, iha ida-idak  nia meja iha sala plenaria.

Kona ba hamamuk fatin iha PN ne’e, Prezidente Parlamentu Nasionál (PPN), Aniceto Longuinhos Guterres, hasai ona despaixu iha semana kotuk.

Xefi bankada CNRT, Arão Noe Amaral, informa, bankada CNRT simu ona despaixu husi PPN, atu nune’e informa ba membru deputadu sira, hodi bele haloot ida-idak nia dokumentus, iha meja leten, hodi nune’e sekretariadu PN bele halo preparasaun ba lejilsatura foun.

“Iha semana kotuk, iha duni pedidu ida mai liu hosi ami-nia funsionariu bankada, hodi fo hatene ba deputadu sira, atu rekolla sira-nia dokumentus iha meja plenaria, ha’u mós hanesan Xefi bankada komunika ona ba ha’u-nia deputadu sira,  hodi ida-idak mai foti ona sira-nia dokumentus, hodi nune’e fo fatin ba sekretariadu PN nian atu ordena fali meja no fahe meja ba deputadu sira tuir mandate kinta lejislatura nian,”informa Xefi bankada CNRT, Arão Noe ba jornalista sira iha PN, Tersa (22/05/2018).

Xefi bankada CNRT ba IV lejislatura ne’e afirma, nia parte seidauk simu despaixu ruma husi PPN, kona-ba atu rekolla fasilidades husi deputadu IV lejilsatura nian.

“Dokumentus ofisial ruma laiha, maibe só iha avizu preliminariu ida mak mai iha ami-nia funsionariu bankada nian, maibe despaixu ofisial atu hatama kareta ka sasán  seluk ne’e laiha, tanba deputadu sira iha IV lejislatura ne’e, kareta iha duni, maibe kareta sira ne’ebé III lejislatura nian, ekipamentus sira, hanesan kareta sira, ne’e sasán parlamentu nian, atu rekolla ne’e kompetensia sekretariu jeral PN nian, la’os bankada,”dehan Arão.

Lejislador ne’e rekoñese, mandatu IV lejislatura, deputadu balun sei kontinua uza duni kareta prado ne’ebé fo tutan husi III lejislatura, maibe balun durante mandatu IV lejislatura uza de’it transporte privadu, tanba Parlamentu Nasionál lakonsege rekolla hotu kareta husi deputadu III lejislatura nian to’o agora.

Nia hateten, deputadu IV lejislatura laiha tan fasilidades ka ekipamentus seluk ne’ebé uza, no atu entrega fali, tanba mandatu IV lejislatura nian lahetan fasilidade seluk, alende kareta.


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker