GMN TV Politika Embaixada Australia sei observa Eleisaun

Embaixada Australia sei observa Eleisaun

0 views

Embaixada Austrália sente orgullu atu haruka misaun observasaun ida ba observa eleisaun antesipada, ne’ebe mak sei hala’o iha loron 12 fulan Maiu semana ne’e. 

Embaixada Austrália hetan konvite husi Governu Repúblika Demokratiku Timor-Leste, tanba ne’e Embaixada Austrália sei haruka ninia membru observadór internasionál no nasionál akreditadu nain 43 ba iha eleisaun antesipada ne’e.

Ekipa sira ne’e sei observa kona-ba prosesu votasaun no kontajen iha munisípiu lima mak hanesan, Dili, Bobonaro, Lautem, Manufahi no Manatuto. Haktuir karta komunikadu ne’ebe redasaun GMN asesu husi Embaixada Austrália Tersa-feira (08/05/2018).

Alende observadór sira husi Embaixada nian, iha mós ema Australianu besik nain 100 mak sei mai husi Austrália atu partisipa iha ekipa observasaun eleisaun nian balun.

Tuir karta komunikadu ne’e katak, observadór sira ne’e mai husi organizasaun nau-govermentál oioin no Grupu Amizade Austrália-Timor-Leste.

Sira nia partisipasaun hatudu interese bo’ot komunidade Austrália nian kona-ba dezenvolvimentu sira iha Timor-Leste, interese ida ne’ebé apoia husi koneksaun pesoál no istória ne’ebé ita fahe ona hanesan viziñu, parseiru no belun ne’ebé besik.

“Ha’u sente orgullu katak Embaixada Austrália sei hamutuk ho fileiras obervadores internasionál no nasionál maizumenus 3000 husi sosiedade sivíl, akademia, komunidade diplomátiku, no alende sai testamunha ba demokrasia iha asaun,” dehan Embaixadór Austrália, Peter Roberts, liu hosi komunikadu ne’e.

“Timor-Leste hetan elojia internasionálmente iha tinan 2017 tamba hala’o ona eleisaun nasionál sira ho livre, justu no kredível laho asisténsia internasionál ne’ebé ke bo’ot. Hau dezeja povu Timor-Leste ho buat hotu la’o diak iha eleisaun ida tan ne’ebé jere profesionalmente. Ekipa iha Embaixada Austrália hein atu servisu ho Governu foun tuir mai atu hametin liután ami nia kooperasaun”, Embaixadór Roberts haktuir.

Austrália no Timor-Leste nu’udar parseiru besik iha aréa oioin inklui kooperasaun seguransa no kooperasaun dezenvolvimentu kona-ba edukasaun, saúde, agrikultura, infraestrutura no igualdade jenéru.***rey


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker