GMN TV Politika FRETILIN-PD mantein kompromisu polítika VII Governu

FRETILIN-PD mantein kompromisu polítika VII Governu

Partidu FRETILIN no Partidu Demokrátiku (PD), mantein kompromisu polítika ne’ebé mak partidu rua ne’e hamosu ona iha VII Governu hanesan koligasaun ida.

Sekretáriu Jeral FRETILIN, Mari Alkatiri, esplika, iha tempu kampaña partidu rua ne’e deside atu la la’o hamutuk, tanba partidu rua ne’e iha identidade rasik.

  “Votasaun ohin la’o diak, no partisipasaun ba eleisaun ida ne’e mós diak tebes. FRETILIN ho PD atu fó apela katak, koligasaun ida ne’ebé metin no halo parte iha VII Governu, no ami nia kompromisu ne’e mantein,” katak Alkatiri ba jornalista sira durante konferensia imprensa ho Partidu Demokrátiku iha hotel de Ramelau Aimutin Dili, Sabadu (13/05).

Alkatiri esplika, iha tempu kampaña partidu rua ne’e deside atu la la’o hamutuk, tanba partidu rua ne’e iha identidade rasik.

“Ami atu fó apelu ba povu tomak atu tur hakmatek, no apelu ba lideransa partidu polítiku no koligasaun sira atu simu rezultadu eleisaun antesipada ne’e, lalika buka estratejia no razoens oi-oin atu  kestiona fali lejitimidade povu tomak nian, tanba organizasaun ne’ebé instituisaun jeral halo ne’e, halo ho transparensia,,”

Alkatiri afirma, kuandu iha duvidas, bele ba to’o Tribunal Rekursu atu tau ita nia duvidas, tanba kampaña hotu ona, agora la’os tempu kampaña, maibé tempu atu  respeita povu nia vontade no votu.

“Ha’u atu reafirma katak, kompromisu polítika partidu rua ne’e nafatin, tanba partidu rua ne’e tu’un ba baze ho programa VII Governu nian, ida-ida aprezenta ninia vizaun, maibé ho baze programa VII Governu nian,” katak Alkatiri.

 Tuir Alkatiri, aliansa ka koligasaun ne’e, la’os tenki hakerek iha surat tahan, maibé importante mak hanoin oinsa atu servi povu ho diak.

Nune’e mós Prezidenti partidu Demokrátiku, Mariano Asanami Sabino agradese povu Timor Leste tanba ezerse ona sira nia dever nu’udar sidadaun iha eleisaun antesipada ne’e.

Tuir Mariano Asanami Sabino, partidu rua ne’ebé iha Governu iha hanoin ida de’it mak, oinsa atu lori povu Timor Leste ba moris diak.

“Nu’udar partidu rua  ne’ebé mak iha Governu, votus ida ne’e ba povu Timor Leste nia hakmatek, ita hotu respeitu vontade povu nian, no ita hein nia rezultadu. Ukun ne’e povu nian, kuandu povu fó fiar ba se de’it, militantes no kuadrus hotu tenki hakmatek simu rezultadu,” katak Asanami.

Mariano Asanami Sabino mós apresia servisu FALINTIL Forsa Defeza Timor Leste, no Polisia Nasional Timor Leste nia servisu durante kampaña to’o eleisaun, no apresia mós servisu diak CNE no STAE.cos


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker