GMN TV Politika Kestiona desizaun PR disolve PN, laiha fundamentu

Kestiona desizaun PR disolve PN, laiha fundamentu

0 views

Liu husi akordaun Tribunal Rekursu (TR), iha loron 23 Abril, tinan ida ne’e katak rekerimentu kontra desizaun Prezidente Repúblika (PR), Francisco Guterres “Lú Olo” desidi disolve Parlamentu Nasional (PN) husi sidadaun nain sanulu (10) liu husi Provedor Direitus Umanus no Justisa (PDHJ), hodi hakat ba Eleisaun Antesipada (EA), ne’e laiha fundamentu, tanba desizaun ne’e tuir konstituisaun RDTL.

“Tribunal Rekursu, iha loron 23 Abril 2018, deside, liu hosi akordaun, katak rekerimentu husi PDHJ maka laiha fundamentu. Ami foin simu Akordaun ida ne’e, iha sexta-feira kotuk (27/3), akordaun ida ne’ e hatudu katak PR kumpri loloos ninia devér no obrigasaun tuir konstituisaun haruka, bainhira foti desizaun disolve Parlamentu Nasionál hodi hakat ba EA,”Chefe Casa Civil, Francisco Maria de Vasconselhos ba jornalista sira iha salaun Palasiu Prezidensial, Bairo Píte, Díli, Kuarta (02-05-2018), hodi responde keixa husi sidadaun balun katak desizaun PR Lú Olo disolve PN ne’e inkonstitusional.

Nia esplika, PR Lú Olo hein katak orgaun sira seluk mós hakru’uk ba konstituisaun RDTL bainhira hala’ o sira-nia knaar no hotu-hotu tenki hatuir TR ninia desizaun.

“Sidadaun nain 16 maka hanoin katak desizaun PR disolve PN ne’e laiha baze legal, ho hanoin ida ne’e, sira aprezenta keixa ba PDHJ, Silvério Pinto Baptista no asina husi sidadaun sira hanesan, Si Leandro de Sena, Milton, Luís da Costa, Duarte V D de Jesus, Manuel S. Nelson M., Cassiano Nunes, Nelson F. Gomes, José Eli Ventura, Asis, Atanasio dos Santos, Claudino F. de Jesus, Gaspar Pereira, José de Araújo, Mariano N. da Silva no Mélio de Jesus,” relata Francisco Vasconselhos.

Nia akresenta, PDHJ simu keixa ida ne’e no haruka ba TR bazeia ba ninia kna’ar rasik, atu husu fiskalizasaun abstrata kona-bá konstitusionalidade dekretu PR nº 5/2018, ne’e katak PDHJ uza ninia kompetensia atu lori dekretu PR nº 5/2018, 26 Janeiru 2018 ba TR hodi dehan PR-nia dekretu ne’e inkonstitusionál ou la tuir konstituisaun, tanba laiha fundamentu. Maibé PDHJ la aprezenta liu husi prosesu, nein materia defaktu no direitu, entretantu PR disolve PN, tuir duni konstituisaun RDTL, art. 74 no 86 f).

“Iha loron 4 Abril 2018, PR simu notifikasaun husi TR kona-bá pedidu husi PDHJ atu TR halo fiskalizasaun abstrata konstitusionalidade ba  PR nia Dekretu nº5/2018 no TR haruka notifikasaun ba PR atu hatan iha loron 10 nia laran, PR kumpri duni prazu ida ne’e,” hateten Chefe Casa Civil ne’e.

Entretantu iha loron 26 Janeiru 2018, dekretu PR no. 5/2018, públika iha Jornál República Série I, n° 4 B, tuir artigu 74 konstituisaun RDTL hateten PR maka Xefi Estadu ho kompeténsia no obrigasaun atu garante funsionamentu instituisaun demokrátika sira-nian. Nune’e, hafoin rona partidu polítiku sira, ne’ebé hetan reprezentasaun iha PN, no rona mós Konsellu Estadu, PR uza ninia kompeténsia bazeia ba artigu 86, al. f) konstituisaun RDTL no desidi artigu 1 disolve PN, artigu 2 dekretu ida ne’e hala’o ohin kedas, Públika iha Jornal República. PR Lú Olo asina iha Palasiu Prezidensial Nicolau Lobato, iha 26 Janeiru 2018. ves


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker