GMN TV Politika Komisaun Permanente kontinua lafunsiona hafoin EA

Komisaun Permanente kontinua lafunsiona hafoin EA

0 views

Komisaun Permanente (KP) iha Parlamentu Nasionál (PN) kontinua lafunsiona, inklui deputadu 29 ne’ebé inklina iha KP, kontinua lamarka prezensa iha Parlamentu, hafoin Eleisaun Antesipada(EA) remata iha loron 12 fulan Maiu, tinan ne’e.

Membru ba komisaun permanente kompostu husi deputadu 29 ne’ebé reprezentante husi kada bankada ne’e hetan asentu iha PN, iha IV lejislatura ne’e, hafoin, xefi estadu Francisco Guterres ‘Lú-olo’ deside atu hakotu impasse polítika entre bankada governasaun no opozisaun iha Parlamentu Nasionál, liu hosi dissolve Parlamentu Nasionál iha loron 26 fulan Janeiru tinan 2018.

Iha artigu 102, konstituisaun RDTL, alinea 3 konaba kompetensia komisaun permanente nian hateten, akompaña servisu sira governu nian, inklui administrasaun, kordena servisu komisaun nasionál, promove konvokasaun Parlamentu Nasionál, prepara no organiza Parlamentu nia sesaun sira, autoriza dezlokasaun Prezidente Repúblika, dirije Parlamentu nia relasaun ho Parlamentu no instituisaun análogia sira rai seluk no autoriza deklarasaun estadu serku no estadu emerjensia.

Tuir konstituisaun RDTL, artigu 100 aliñea 2 mós hateten, disolusaun PN nian, sei la hamate mandatu deputadu nian, to’o reuniaun dahuluk, hafoin eleisaun subsekuente.

Tuir observasaun, maske deputadu IV lejislatura sira inklui deputadu ne’ebé sai membru komisaun permanente, lahala’o ona servisu hanesan funsionamentu normal PN nian, maibe sei kontinua simu salariu no kontinua uza fasilidade Estadu, hanesan kareta no fasilidade Estadu seluk.

Relasiona asuntu ne’e, GMN tenta konfirma ho sekretariu jeral Parlamentu Nasionál, maibe nia parte lakohi fo komentariu, ho razaun PN iha faze preparasaun hodi simu lejislatura foun.

Alende ne’e, GMN mós tenta atu konfirma ho Prezidente Parlamentu Nasionál, maibe líder orgaun ne’e laiha nia fatin.Say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker