GMN TV Politika Lere: “Tinan 5 ita lakohi governu foun monu tan”

Lere: “Tinan 5 ita lakohi governu foun monu tan”

0 views

Xefi Estadu Maior Falintil Forsa Defeza Timor Leste (F-FDTL), Major Jeneral Lere Anan Timur deklara, tinan 5 ne’e lakohi governu foun mai atu monu tan iha dalan klaran.

Tanba tuir Lere Anan Timur, wainhira governu foun mai, monu tan iha dalan klaran mak povu sei lakon ona konfiansa ba lider sira.

Maski nune’e, Lere Anan Timur fiar katak, governu ne’ebé lidera husi lider históriku sira, sei asegura nasaun ba oin, hodi nune’e nasaun sei moris iha progresu paz no estabilidade.

Lider másimu F-FDTL ne’e mós husu ba governu foun tenki servisu di’ak no kumpri promesa sira ne’ebé sira hato’o ona ba povu, iha periodu kampaña eleitorál.

“Eleisaun manan ona la signifika susesu ona ba governasaun ne’e, maibé tinan 5 ita lakohi governu monu tana iha dalan klaran. Monu tan iha dalan klaran ita nia povu la konfia ona ba ita nia lider sira. Mas ha’u fiar ho ita nia maun Xanana, maun Taur, Marí, Ramos Horta, sira sei lori nasaun ne’e ba oin iha dezenvolvimentu,” deklara Lere Anan Timur ba Jornalista sira hafoin enkontru ho Prezidenti Repúblika (PR), Francisco Guterres Lú Olo iha Palácio Prezidensiál Nicolau Lobato, Bairu Pite, Díli Kuarta (16/5).

Iha okaziaun ne’e Lere mós informa, situasaun jeral iha territóriu laran tomak, agora dadaun la’o di’ak, maski nune’e forsa defeza no seguransa sei kontinua mantein nafatin seguransa másimu to’o loron 30 fulan maiu no sei prolonga tan, karik iha situasaun emerjénsia ruma.

“Maibé nu’udar sidadaun Timor, ita tenki fó mós ita nia kontribuisaun ba estabilidade no paz iha ita nia rai laran. Maski depois de eleisaun dalaruma partidu balun ladun satisfeitu, deskonfiansa, maibé buat ne’e normal iha vida demokrátiku,”Lere esklarese.ías


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker