GMN TV Politika PD respeita rezultadu EA

PD respeita rezultadu EA

0 views

Prezidente Partidu Demokrátiku (PD), Mariano Asanami Sabino, apela ba povu tomak, liu-liu juventude no militantes hotu, atu respeita rezultadu Eleisaun Antesipada (EA) ne’ebé povu fo, tanba povu nia direitu atu hili kualker partidu.

“Hein desizaun povu nian, nu’udar partidu demokrátiku, hakruk no tenke respeita ba desizaun povu nian, tanba ne’e loron povu nian, maibe la’os polítiku sira nian,”dehan prezidente PD ne’ebé ho númeru sorteiu 2 ne’e ba jornalista, hafoin ezerse nia direitu vota, iha sentru votasaun eskola primaria Bairru-Pité Dili, Sábadu (12/05/2018).

Líder partidu demokrátiku ne’e hateten tan, ba interesse futuru Estadu no nasaun nian, PD prontu atu negosia ho kualker governu, atu bele garante governu ne’ebé dura.

“Ha’u-nia votus ne’e ba Timor nia hakmatek, aban ba oin mak partidu sira buka malu fali hodi ko’alia, tanba povu fo ona konfiansa ne’e ita bele ko’alia, povu nia konfiansa ba partidu ne’ebé de’it depois mak ita ko’alia, tanba ita Timor oan hotu, importante liu mak fo votus ba se, tenke lori rai ne’e ba oin, no labele tan monu ba eleisaun antesipada hanesan ne’e,”hateten Asanami.

Asanami mós husu povu no juventude hotu, liu-liu militantes partidu demokrátiku nian, atu kontinua hakmatek hodi garante paz no estabilidade iha Timor-Leste, durante festa demokrasia.

“Nu’udar partidu demokrátiku ukun ne’e povu nian, entaun partidu labele deside manan ka lakon, tanba ne’e hotu-hotu tenke respeita povu, no líder hotu tenke hakmatek, no Timor tenke hakmatek, ita hotu mós tenke kalma, Ba inan aman sira, apresia tebes ba ezerse ona imi nia direitu, rai ida ne’e atu ba oin, depende inan aman sira nia desizaun, ne’ebé la vota, lahola parte, labele hola desizaun durante tinan 5, tanba durante tinan 5, imi nia votus ne’e mak sei transforma ba desizaun,”katak Mariano Asanami Sabino.

Iha sentru votasaun ne’ebé prezidente partidu PD ezerse nia votus ba, hetan observasaun másimu husi observador nasionál no internasionál, inklui hetan seguransa másimu husi Polísia Nasionál Timor-Leste(PNTL).

Sentru votasaun ne’e rasik, loke iha tuku 07:00 OTL tuir oras ne’ebé CNE rekomenda, no taka iha tuku 03:00 lorokraik tuir orsa CNE haruka.Say


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker