GMN TV Politika Xanana: EA nu’udar segundu referendu ba dignidade no dalan los

Xanana: EA nu’udar segundu referendu ba dignidade no dalan los

0 views

Koligasaun Aliansa Mudansa ba Progresu (AMP), kontinua hala’o kampaña komisiu iha Batu Gade, Postu Administrativu Balibo. Iha komisiu, Prezidenti AMP, Kay Rala Xanana Gusmão, husu ba militantes no simpatizantes AMP atu vota AMP, tanba eleisaun antesipada ne’e hanesan segundu referendu ba dignidade no valores demokrasia no ba dalan los.

Xanana mós promete ba militante no simpatizante sira katak, bainhira AMP manan iha Eleisaun Antesipada ne’e, programa importante AMP mak fó prioridade ba setór ekonómia no setór sira seluk ne’ebé kontein iha programa temátika 10.

“Momentu ida ne’e importante tebes ba povu atu deside hanesan referendu segundu. Ita-nia klamar ema labele sosa ho osan, tanba ita bele kiak to’o iha ne’ebé, mas ita mós ema. Tanba ida ne’e, 12 de Maiu referendu ba dignidade no valores ba demokrasia nian, no referendu ba dalan los,” katak Xanana ba militante no simpatizante sira iha Postu Administrativu Balibo, Sabadu (28/04).

Xanana hatutan, AMP iha programa prioridade sanulu atu implementa ba tinan lima atu hasai povu husi kiak no mukit.

“Tinan lima mai ne’e, AMP atu presta atensaun bo’ot atu dudu ekonomia, tanba Estadu ita dehan katak, ho tinan 16 ita se iha prosesu konsolida Estadu, mas Estadu iha ona, maske iha falla barak, tanba ne’e tenki hahú ona ekonomia iha tinan lima mai ne’e,”katak Xanana.

Lider karismátiku ne’e mós promete ba veteranu sira katak, durante tinan lima nia laran ne’e, AMP sei fokus hodi hakotu problema veteranus nian.

“Ba veteranu sira, ami nain rua Taur promesa katak, iha  tinan lima nia laran ne’e, ami sei hakotu problema veteranus nian,”katak Xanana.

Nia afirma, kona ba atu dada kadoras mai Timor Leste mós,  programa prioridade AMP nian, tanba estudu la’o hela, no FRETILIN no PD lahatene prosesu ida ne’e.

“Foin dadauk ema ida dehan, iha 1999 ita vota ho bandeira FALINTIL, ida ne’e sala bo’ot, ema ne’e tanba iha estranjeiru, nia lahatene. Iha 1999 ita ba vota ba bandeira CNRT, la’os FALINTIL. Ema ida dehan katak, ha’u sai tiha husi FRETILIN, ba Mau–Hudu, Mau-Hunu no Conis Santana, ida ne’e sala bo’ot. Ha’u sai husi FRETILIN ne’e los, maibé ha’u respeita nafatin FRETILIN, tanba iha liur ne’eba hadau malu ho osan,”dehan Xanana.

Nia esplika, Funu hotu tiha,  nia entrega Prezidenti FRETILIN nian ba FRETILIN, no ho ida ne’e mak Lu-Olo sai Prezidenti FRETILIN. “Problema ida ne’e problema istória, maibé ha’u hakarak dehan, ohin loron demokrasia ona,”afirma Xanana.

Nune’e mós Konselleiru másimu AMP, José dos Santos Naimori, hateten, besik ona eleisaun, ema la’o tama sai uma hodi sukat povu nia uma atu hetan votus.

“Ema la’o tama-sai uma lori osan atu sosa votus, no fó osan ba Xefi Suku no Xefi Aldeia sira, no balu ba sukat povu nia uma no promete atu halo povu nia uma, ita nia dignidade la’os atu sosa ho osan,”katak Naimori.

Naimori hateten, kuandu EA ne’e mak AMP lakon, istoria Timoroan nian mós sei lakon, tanba ema ne’ebé mak terus ho povu TL mak Xanana ho Taur Matan Ruak.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker