GMN TV Politika CNRT seidauk iha informasaun kona ba remodelasaun · PD prontu apoia AMP

CNRT seidauk iha informasaun kona ba remodelasaun · PD prontu apoia AMP

0 views

Bankada CNRT iha Parlamentu Nasionál (PN), ne’ebé inklina aan iha koligasaun Aliansa Mudansa ba Progresu (AMP), seidauk asesu informasaun kona-ba remodelasaun VIII Governu ne’ebé espalla ona iha média social.

“Sei la’os ema iha AMP nia laran mak publika, ne’e ita konsidera hanesan isu-isu de’it, sei ema iha AMP nia laran mak ko’alia, husu to’ok ba nia, tanba ami lahatene. Ha’u Xefe bankada mós seidauk hatene, isu-isu ne’e ema hotu bele halo, ne’eduni ha’u lakohi komenta ba buat ne’ebé ha’u lahatene,” hateten Xefi bankada CNRT, Duarte Nunes ba  jornalista iha PN, Tersa (14/05/2019).

Duarte Nunes afirma, to’o oras ne’e, CNRT seidauk iha informasaun ruma husi partidu koligasaun sira kona-ba asuntu remodelasaun nian.

Duarte Nunes afirma, bainhira atu akontese remodelasaun, partidu membru hotu sei iha konferénsia ida atu halo avaliasaun, maibé ne’e la’os desizaun partidu ida nian de’it.

“Remodelasaun ne’e ema mak ko’alia dehan remodelasaun, maibé partidu ne’ebé iha AMP, tenki halo uluk avaliasaun, foin mak bele deside presiza halo remodelasaun kalae?. Karik partidu ruma mak hola desizaun ruma, tenki liu husi konferénsia, ne’eduni kuandu ida ne’e akontese ona, ita bele hatene ona rezultadu husi ne’eba, tanba remodelasaun ne’e ita tenki haree didi’ak, atu remodela oinsa, nia alternativu barak tebes, maibé ne’e partidu mak tenki ko’alia, tanba lista ne’ebé tama Governu mai husi partidu”, katak deputadu AMP ne’e.

Iha sorin seluk, deputadu bankada PD, Mariano Asanami Sabino deklara, Partidu PD prontu fó apoiu ba governasaun AMP nian, bainhira presiza.

“Remodelasaun ne’e kompeténsia partidu bo’ot sira ne’ebé kaer Governu ida ne’e nian, maibé PD ba Timor laiha rezerva, sei Timor presiza tan sakrifísiu ida, PD prontu fó, ida ne’e mak PD nia prinsípiu, ba buat ne’ebé di’ak ba rai ida ne’e, PD fó aa tomak. Iha PN mós ami fó apoiu, sempre fó hanoin hotu ne’ebé di’ak, para Governu ida ne’e la’o lalais, hanesan ami sempre dehan katak, ba Timor nia di’ak ne’e ita tenki la’o hamutuk para la’o ba oin, tanba partidu polítiku ne’e nu’udar instrumentu ida, maibé estadu ida ne’ebé saúdavel, ekonomikamente seguru no sosialmente ba ema hotu ne’e, orgullu ne’e númeru 1 ba PD sempre prontu, laiha rezerva ba buat ne’ebé di’ak ba rai ida ne’e”, deklara Prezidente Partidu Demokrátiku ne’e.

Antes ne’e, konselleiru másimu partidu KHUNTO, José dos Santos Naimori, deklara ona katak, bainhira mosu remodelasaun, KHUNTO prontu subtitui nia membru Governu ne’ebé detekta kométe eiru no naran inklina iha lista remodelasaun nian.say


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker