GMN TV Politika FRETILIN eziji governu aprezenta kontratu konstrusaun portu Beasu

FRETILIN eziji governu aprezenta kontratu konstrusaun portu Beasu

0 views

Bankada FRETILIN eziji governu atu apresenta tranparansia kontratu projetu konstrusaun Portu Beasu, tanba projetu ne’e la tuir sistema aprovizionamentu.

Bankada Opozisaun FRETILIN hato’o ezijensia ne’e liu husi Konfrensia imprensa, Sesta-feira nee iha Parlamentu Nasional.

Deputadu Joaquim dos Santos hatete Governu liu husi Timor GAP deside entrega projetu konstrusaun portu iha Beasu ba kompañia Xineza China Civil Engineering Construction Corporation. Estadu RDTL sei selu USD943 miloens ba kontratu ida ne’e no empreza Xineza ne’e mak sei halo dezeñu no mós konstrusaun.

Antigu deputado FRETILIN nee dehan bankada FRETILIN nota ho preokupasaun bo’ot ba prosesu ne’ebé mak Governu ho Timor GAP uza hodi halo ajudikasaun ba prosesu ida ne’e laiha transparénsia no la tuir sistema aprovizionamentu atu defende interese Estadu nian.

“Esperiénsia uluk nian hatudu beibeik ona katak projetu sira ne’ebé mak halo subar de’it, la liu husi prosesu aprovizionamentu, ikus mai sempre hamosu prejuizu ba Estadu. Projetu jalan toll ne’ebé iha Suai, la to’o tinan ida, monu. Projetu portu temporáriu iha Hera, gasta $14 miloins ho ajudikasaun direta, mós falla. Tanba laiha transparénsia no laiha indikasaun katak Governu ho Timor GAP foti prekausaun adekuada atu asegura interese Estadu nian, projetu portu Beasu iha risku boot atu sai hanesan projetu falladu sira seluk,” dehan Joaquim dos Santos.

Nia dehan tan Bankada FRETILIN eziji Governu atu aprezenta detallu hotu-hotu husi kontratu ida ne’e ba Parlamentu Nasionál.

“Ita tenke estuda didi’ak empréstimu hotu-hotu ho atensaun ba viabilidade ekonómika projetu nian no mós ninia kapasidade atu selu fali dívida sira ne’e. Garantia saida mak Governu ho Timor GAP fó ba kredór sira karik ita labele ona selu dívida ida ne’e FRETILIN mantén firme ninia kompromisu atu asegura transparénsia no boa governasaun, atu defende Povu no Estadu no nia interese,” dehan deputadu.

Iha fatin henesan Prezidente bankada CNRT Deputadu Duarte Nunes hatete durante ne’e FRETILIN la konkorda dada kadoras mai, tanba ne’e maka liu husi deklarasaun nebe fo sai FRETILIN komesa iha intrese.

“fofoun bankda FRETILIN laiha intrese, maibe agora sira iha ona intrese, ita espera katak laos kritika deit, laos dehan ladiak deit maibe mos fo hanoin no koalia buat nebe hanesan sira nia opinaun ne’e para ita mos bele hatene, se bele konsideira hau hanoin ne’e kestaun ida para fo hanoin ba malu, ita mesak Timor oan deit. Iha ekipa ida maka servisu ba iha neba mak timor GAP, sira bele koalia ba malu para bele konsideira sira nia hanoin ne’e diak liu tan,” dehan Duarte Nunes iha PN.

Deputado bankada apoiu governu nee dehan tan durante ne’e FRETILIN lakohi, tanba ne’e ema bele hanoin katak FRETILIN lakohi atividades hot-hotu mais husik ba, Timor GAP responsabiliza aban bainrua nia rezultadu iha mai hatudu ba povu, nune bele hatudu ba povu katak durante servisu nia rezultadu maka ne’e.Nes


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker