GMN TV Politika PD ho PLP sujere kria ekipa investigasaun ba Ró Haksolok

PD ho PLP sujere kria ekipa investigasaun ba Ró Haksolok

0 views

Deputadu bankada Partido Libertasaun Popular (PLP), Francisco Vascocelos  no deputadu bankada Partido Demokratiku (PD), Mariano Assanami Sabino sujere ba meja Parlamentu Nasional atu kria ekipa investigasaun ba iha Ró Haksolok, tanba ró nee pagamentu 100% ona.

Membru Parlamentu Nasional, PLP no PD koalia lia hirak nee, Segunda (13/05) iha Parlamentu Nasional konaba Ró Haksolok ne’ebé to’o ohin loron seidauk lori mai Timor-Leste.

Deputadu Parlamentu Nasional, Francisco de Vasconcelos konsidera Ró Haksolok nebe Timor gasta osan barak hodi sosa maibe to’o agora seidauk mai ne’e hanesan aktu korupsaun.

“Tuir hau nia pontu de vista, katak ne’e ilisitu, tanba halo fallansu bo’ot no Estadu labele tolera ida ne’e, Governo mos labele tolera ida ne’e. Tuir hau nia haree Governu sentral maka selebra kontratu ho kompañia depois se maka halo pagamentu, tuir informasaun nebe iha katak depois selebra tiha kontratu fulan nian mas kompañia lahalo servisu ZEESM ba selu totalmente kompletu mesmu ró ne’e seidauk halo se monu ba nasaun seluk ohin Ministeriu Publiku toma desisaun ba ida ne’e, tanba ita labele hela ho inserteza, ita iha lei, ita iha kodigu penal, ita iha Minisiteriu Publiku. Se husu hau nia opiniaun, tanba hau mos akompañia hela ró ne’e, tanba to’o ohin loron seidauk mai,” dehan Francisco Vasconcelos.

Deputadu bankada PLP nee halo komparasaun ho kompañia sira seluk nebe hatama material eskritoriu ou fornesementu ba kareta ne’e mos iha limitasaun hanesan mos Ró Haksolok.

“Hau hanoin presiza kria ekipa ida hodi halo investigasaun. Hau foin lalais ne’e koalia ona iha liders bankada katak ita bele halo komisaun inkeritu parlamentar ida, em vez de enkerito deit kompañia sira nebe halo projetu dehan mate klamar, ita presiza investiga mos ida ne’e,” dehan nia.

Deputado nee reforsa tan katak ekipa balun hatene ona ida ne’e, hetan ona informasaun, maibe informasaun informal balun, mais Parlamentu Nasional presiza formaliza informasaun sira ne’e.

“Hau sujere ona Parlamentu kria komisaun inkeritu parlamentar ida para depois hare falla ne’e iha nebe, tanba ró HAKSOLOK ne’e laos uja osan ki’ik oan. Tuir lolos husu deit prezidente ZEESM, tanba nia maka selebra, desisaun ne’e sira mak ba selu, Ministeriu Publiku bele ba husu deit sira, tanba sa maka ró ne’e sei prosesu hela imi selu hotu ona,” nia esplika.

Iha fatin hanesan Deputadu bankada PD, Mariano Assanami Sabino, hatete buat ne’e limite ona, Ró Haksolok iha nebe bele lori mai ona, tanba saida maka seidauk mai to’o agora tenki buka tuir nia problema iha nebe.

“Sosiadade tenki hatene sasan sira ne’e iha nebe, importante mai hau maka ne’e labele halo politizasaun ba sasan sira ne’e, uluk ne’e aprova hamutuk para depois ró ne’e mai atu fasilita atividade iha ZEESM bele la’o, agora ema politiza dehan kapal hantu fali, uluk ita aprova hamutuk agora tenki mai ona para fasilita ona, ZEESM ne’e komitmentu hamutuk, ita hakarak ne’e ZEESM tenki aseleradu ona, ita iha ona aeroportu, iha ona portu agora atu dezenvolve oinsa para aslera ona Oekusi nudar Rejiaun nebe espesial e konsentra iha sosial ekonomia merkadu ita tenki halo ona ida ne’e,” dehan Assanami.

Sekretariu Jerál PD nee dehan se lahatene jere multi partidaria no politiza sasan nebe presiza halo ne’e problema, Kosta Sul ne’e komitmentu hamutuk, iha planu estratejiku, tenki lao ona sasan nebe presiza haree ho rasasino, haree ho kuidadu ba padraun legal, padraun tekniku ne’e sasan nebe presiza haree, maibe komitmentu ne’e tenki lao.

“Ita ne’e atu ba oin la ba oin, povu ne’e susar hela, terus hela situasaun ekonomi halo povu atu sosa deit fos araska, nia oan la eskola, maibe ita koalia politik hela deit, Ró Haksolok ne’e responsabilidade ema hotu nian nebe ita tau matan, ita haree problema saida, difikuldade saida, ró maka at ga ou  ró maka seidauk diak ga, atu kria ekipa atu haree ba kestaun ne’e, depende ba Governu. Sasan ita sosa tekniku maka haree dehan los ona, tuir ona estandar, tuir ona ita nia kontratu lolos mai ona, la presiza politik maka ba haree fali,” termina Assanami.Nes


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker