GMN TV Politika PPN Arão Noe: TL-Australia konkorda sei ratifika FM iha data hanesan

PPN Arão Noe: TL-Australia konkorda sei ratifika FM iha data hanesan

0 views

Prezidenti Parlamentu Nasionál (PPN), Arão Noe Amaral, informa, Parlamentu Nasional (PN) Timor-Leste ho PN Australia, sei fiksa data ne’ebé hanesan hodi ratifika Fronteira Marítima (FM), atu nune’e rezultadu husi ratifikasaun ne’e tama iha vigór.

“Ita kompriende, Australia agora dadaun iha faze eleisaun jerál, hein katak, sira konklui tiha sira-nia eleisaun ne’e, hein katak prosesu ratifikasaun ne’e bele la’o, tanba lei hateten katak, so parte rua ne’e ratifika hotu, entaun Timor-Leste mak ratifika de’it, sem Australia mós nia labele tama iha vigor, Tanba ne’e, ratifikasaun ne’e tenki iha parte rua hotu, dala ida de’it, tanba ne’e mak uluk ami soe ona ideia ida, atu halo ratifikasaun iha data hanesan, ita presiza iha enkontru ida ho Governu, para ita fiksa data ne’ebé hanesan, nune’e haruka ba Prezidente promulga no publika ona ne’e, tama iha vigor, entaun parte rua bele implementa akordu ne’e”, informa Arão Noe Amaral ba jornalista iha PN, Sesta(03/05/2019).

PPN ne’e haktuir, agora dadaun aproveita tempu hodi hein Australia hala’o prosesu eleisaun, Timor-Leste mós prepara hela lei balun, nune’e bainhira FM ne’e tama iha vigor sei la komplikadu tan.

“Governu sei prepara hela baze legal balun, ho dekretu lei balun, depois alterasaun ba lei tributaria, tanba kuandu ratifika ona, direitu tomak iha kampu bayu undang ne’e ita nian, entaun atividades hotu iha bayu undang nian ne’e, hodi ba mai ne’e, kompetensia lei tributaria nian. Tanba ne’e, ita tenki aserta kedas ita-nia lejislasaun sira, para nune’e, kuandu to’o ratifika, lei sira ne’e vigora kedas, no aplika kedas, para labele husik kompañia sira hela ho dúvidas, tanba ne’e mak presiza lejislasaun sira ne’e, antes ratifika”, afirma Arão Noe Amaral.

Iha fatin hanesan, Ministru Negósiu Estranjeirus no Kooperasaun, Dionísio Babo hatete, Timor-Leste prontu ona atu halo ratifikasaun ba FM, maibé sei hein hela Governu foun Australia nian, tanba Governu atual jestaun hela, nune’e iha governasuan foun foin fiksa data hodi ratifika.

“Ida ne’e MNEK sei koordena hela ho gabinete fronteira marítima, no gabinete  prezidénsia konsellu ministru, maibé ita laiha problema, ita agora hein de’it Australia, tanba Australia agora foin atu tama eleisaun, tanba  ne’e, hein fali Governu foun Australia nian mai mak ita fiksa data ne’e, para depois asina iha loron ida de’it, Parlamentu rua ne’e asina hamutuk de’it, tanba sira-nia Governu ida agora ne’e, Governu jestaun de’it ona”, katak Dionísio Babo ba jornalista iha PN.

Akordu delimitasaun fronteira marítima ne’e, asinadu husi representante Governu Timor-Leste, Agio Pereira, no reprezentante Governu Australia Ministra Negoiu Estranjeirus, Julie Bishop iha Nova Iorke, iha loron 6 fulan Marsu tinan 2018.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker