Eis Prezidente Repúblika (PR), José Ramos Horta, husu ba ministru no deputadus sira, atu hamenus orsamentu viajen ba rai liur, hodi konsentra ba ida-idak nia servisu.
Ramos Horta, konsidera, viajen ministru ho deputadu sira balun ba estrangeiru, maibe fila mai Timor haluha tiha saida mak sira halo durante viajen.
Eis Prezidente Repúblika José Ramos Horta, hato’o asuntu ne’e,hafoin hasoru malu ho Primeiru Ministru Taur Matan Ruak iha Palasiu Governu.
“Diak liu ministru ho deputadu sira halo viajen menus konsentra ida-idak nia servisu ,tamba ita viajen ba fatin hotu-hotu maibe depois fila husi viajen haluha tiha ona viajen ne’e no haluha tiha MOU asina ne’e laiha ezekusaun laiha konfirmasaun,diak liu poupa osan lalika viajen.Hatun orsamentu viajen nian pelemenus 50% ,tamba ita viajen bebeik mas la halo servisu” Eis Prezidente Repúblika José Ramos Horta, hato’o asuntu ne’e ,hafoin hasoru malu ho Primeiru Ministru Taur Matan Ruak iha Palasiu Governu.
Laureadu Nobel da Paz ne’e aprofunda,diak liu Governu poupa osan povu nian no bele hapara gastus orsamentu viajen ba rai liur ne’ebé bo’ot.tos
