GMN TV Politika Rejeita fó komentáriu ba CNRT sai vítima, PM Taur:AMP nafatin iha unidade

Rejeita fó komentáriu ba CNRT sai vítima, PM Taur:AMP nafatin iha unidade

0 views

Primeriu Ministru (PM), Taur Matan Ruak, lakohi fó komentáriu ba deklarasaun Presidente Koligasaun Aliansa Mudansa ba Progressu (AMP), Kay Rala Xanana Gusmão ne’ebé hatete partidu CNRT sai vítima iha VIII governu.

Enkuantu  antes ne’e iha komemorasaun aniversáriu partidu CNRT ba dala sanulu resin rua (12) liu husi telekonferensia video call Presidente Koligasaun Aliansa Mudansa ba progressu Xanana Gusmão hatete Partidu CNRT sai vítima iha oitavu governu.

Maski nune’e Primeriu Ministru Taur Matan Ruak konsidera deklarasaun, ne’e ba partidu CNRT maibé la’os ba  Koligasaun AMP, tanba ne’e parte  lakohi fó komentáriu.

“Ha’u hanoin deklarasaun ne’e ba partidu CNRT, ne’ebé ha’u lakohi atu fó komentáriu ba ida ne’e”, dehan PM Taur Matan Ruak ba jornalista  iha Palásiu Presidensiál Nicolau Lobato, Bairu Pite Díli Kinta (23/05/’19).

AMP nafatin iha unidade

Maski nune’e opiniaun ne’ebé  espalla iha públiku katak, Koligasaun Aliansa Mudansa ba Progressu (AMP) nia laran dadaun ne’e laiha unidade entre partidu tolu CNRT, PLP, KHUNTO, tanba estrutura oitavu governu to’o tinan ida ona kandidatu membru governu balun seida’uk hetan pose husi Presidente Repúblika Francisco Guterres Lú-Olo.

Maibé  Primeiru Ministru Taur Matan Ruak hateten, oitavu governu  mai husi Koligasaun Aliansa Mudansa ba Progresu no iha koligasaun nia laran  nafatin sólidu no iha unidade  ba malu.

“La unidade karik governu monu tiha ona. Agora sei metin hela. Ha’u hanoin kuandu imi jornalista sira haree dader-dader, ha’u la mai servisu iha uma de’it, hanoin ida ne’e governu monu ona. Maibé agora la’e, tanba ne’e AMP nafatin iha unidade no sólidu”, dehan PM Taur Matan Ruak ba jornalista ho oin hamnasa.

Xefe Governu aprofunda, estrututa oitavu governu ne’ebé seida’uk kompletu la depende de’it ba vontade Primeriu Ministru nian, maibé nafatin ho Presidente Repúblika hodi ko’alia atu solusiona.son


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker