GMN TV Politika VIII Governu besik tinan ida ona, PN eziji PM Taur kompleta estrutura Governu

VIII Governu besik tinan ida ona, PN eziji PM Taur kompleta estrutura Governu

0 views

VIII Governu Konstitusionál, ne’ebé la’o kuaze tinan ida ona, maibé estrutura Governu seidauk kompletu hodi fó impaktu ba ezekusaun Orsamentu Jeral Estadu (OJE). Tanba ne’e, Reprezentante povu iha Parlamentu Nasionál (PN), husu ba Primeiru Ministru (PM), Taur Matan Ruak, atu halo esforsu hodi kompleta ona membru Governu hirak ne’e, nune’e bele garante ezekuasaun Orsamentu Jerál Estadu (OJE) la’o ho di’ak.

“Ami opozisaun la’os atu krítika de’it, maibé hakarak atu koopera mós atu kontribui ba dezenvolvimentu nasaun ni’an, maibé to’o agora seidauk iha realizasaun ida, ne’e fila fali ba AMP, maibé ami la insiste atu sira kompleta lalais sira-nia membru Governu, maibé opozisaun ezije mak ezekusaun orsamentu tenki realiza programa ne’ebé debate iha Parlamentu Nasionál, maibé to’o agora ita nunka ko’alia kona-ba 100 dias, ita mós nunka hatene saída loos mak realiza iha tinan ida nia laran, sasukat ida tenki mai iha PN, para PN mós bele hatene katak, loos duni aprova ona OJE, realizasaun mak ida ne’e, buat ne’ebé haree dadauk ona mak ida ne’e, maske tinan lima ne’e sei falta tinan ida, maibé ida ona ne’e ita tenki hahú haree ona buat balun”, hateten Xefe bankada PD, deputadu António da Conçeição ba jornalista iha PN, Kuarta(22/05/2019).

António esklarese, PD prontu diálogu ho AMP ba interesse Estadu no nasaun Timor-Leste nia estabilidade no sustentabilidade governasaun.

“Estrutura ne’ebé kompletu mak bele biabiliza nia orsamentu, tanba pasta sira ne’e importante tebes, hodi hola desizoens polítika, ita labele hanoin minstériu ne’e iha hela, osan ne’e bele ezekuta rasik, maibé tenki iha ministru ida para hodi haree no hola desizoens polítika ba prioridades ne’ebé mak Governu rasik estabelese. To’o agora besik ona tinan ida, alkansa saída no konsege halo ona saída, ita seidauk hatene, ida mós keta tanba estrutura ne’ebé mak seidauk kompletu ne’e. Ami prontu diálogu, maske iha diferensa polítika ne’ebé iha, maibé AMP presiza nakloke, hodi buka meius ida para oinsa biabiliza Governu ne’e, maibé opozisaun nia papel apoiu mak fó apoiu votus a favor sira hanesan liu hosi revizaun lei LAP nian, ida ne’e mak dehan katak, reflete interesse Estadu nian, ami fó ami nia apoiu tomak, nune’e mós ba OJE ne’ebé mak ami vota a favor”, katak António.

Maibé Tuir António, dalan úniku mak tenki tu’ur hamutuk, tanba kuandu hanoin de’it mak maioria ne’e, garante de’it atu ukun, maibé diferensa hanoin ne’e tenki buka solusaun.

Tuir António, remodelasaun nu’udar dalan úniku, hodi fó oportunidade ba diálogu, atu nune’e, halakon tiha polémika ne’e, hodi ema hotu konsentra no fó apoiu ba prosesu investimentu iha kampu gretaer sunrise.

“Remodelasaun bolu ba diálogu, maibé remodelasaun ho hanoin ida la’os atu kompleta estrutura de’it, remodelasaun ne’e atu aprezenta kualidade governasaun, ne’ebé mak atu bele reflete interesse nasionál. Remodelasaun ida ne’ebé mak mai, tenki iha sustentabilidade, iha estabilidade governativa, la’os atu kompleta de’it estrutura, sei atu kompleta de’it estrutura, seidauk bele garante, kuandu sasan sira interesse nasionál ne’e ita sei iha pro no kontra ne’e ladun di’ak, tanba dada kadoras ne’e buat ida ne’ebé estratéjiku tebes ba Timor, ida ne’e rekere ita hotu tenki hatan malu, kuandu liafuan ida dehan sira-nian ne’e haketak malu, sei labele garante buat ne’e la’o ho di’ak”, afirma afirma Xefi bankada PD ne’e.   

Iha fatin hanesan, deputadu CNRT, Adérito Hugo realsa, ezekusaun másimu ou la’e, ne’e kompetensia Xefe Governu atu bele haree asuntu ne’e.

Maibé  Aderito Hugo garante katak, sei laiha implikasaun sériu, tanba orgánika Governu fó kompetensia ba ministru enkaregadu sira tau atensaun ba ministériu ne’ebé sei mamuk.

 “Kona-ba ezekusaun másimu ou la másimu, ne’e kompetensia Xefe Governu nian atu haree buat ne’e, kestaun priense vagas sira ne’ebé ou la priense, direitu ba Primeiru Ministru nian, PM mak iha kontestu ida ne’e jere hamutuk ho partidu sira ne’ebé iha koligasaun AMP, para nune’e buka oinsa priense vaga sira ne’ebé sei vakum hela. Kompetensia ba ezekusaun ne’e, hanoin laiha implikasaun ida sériu, tanba lei orgánika VIII Governu fó hela kompetensia ba ministru sira enkaregadu ba pasta ministériu ne’ebé sei mamuk hela nia servisu,   hodi monitor ba atividade lor-loron nian, servisu, ezekuasaun no planu orsamentu, ministru enkaregadu sira hala’o hela kna’ar ida ne’e iha supervizaun PM nian”, subliña Hugo.

Entretantu, kandidatu membru VIII Governu ne’ebé seidauk simu posse mak hanesan, Sergio Lobo, Virgilho Smith, Helder Lopes, José Turquel, Jacinto Rigoberto, Tomas Cabral, Amandio Benevides, inklui membru hirak ne’ebé rejigna aan husi lista hanesan, Kay Rala Xanana Gusmão, Francisco Kalbuadi Lay, no António Verdial.say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker