GMN TV Politika Advogadu sira lori hikas petisaun CNRT ba TR

Advogadu sira lori hikas petisaun CNRT ba TR

0 views

Advogadu Manuel Tilman ho Miguel Fária iha Sesta, loron 15, fulan ne’e, lori hikas petisaun ne’ebé antes ne’e Tribunál Rekursu (TR) rejeita (indefere-red) iha loron 11, fulan ne’e, tanba la priense rekezitu balun.

Manuel Tilman, hateten, rekezitu ba petisaun da-ruak ne’e, parte mandatáriu uza fali artigu 150 konstituisaun RDTL, hodi husu TR atu halo fiskalizasaun abstrata ba aktu konstitusionál Xefe Estadu ni’an.

“Ami uluk hatama prosesu ida, tribunál indefere, tanba dehan katak laiha dois tersus dos deputadus aprovadu iha plenáriu da asembleia repúblika ou Parlamentu Nasionál, ami ohin loron mai de’it ho um kintu de deputadu 1/5  husu fiskalizasaun konstitusionalidade no fiskalizasaun ba dekretu prezidensiál ne’ebé nomeia membru atu fó pose ba membru VIII Governu ne’ebé Primeiru Ministru (PM), Taur Matan Ruak mak aprezenta no nomeia de’it ba na’in sia (9) seluk no na’in sia (9) seluk la nomeia, laiha fundamentasaun iha dekretu prezidensiál ne’e no dekretu prezidensiál ne’e mak ami husu fiskalizasaun konstitusionalidade, tanba ne’e, ami verifika duni, husu tribunál haruka karta ida dehan katak sira ne’e laiha prosesu pendente iha tribunál, dokumentu sira ne’e mós ami junta hotu”, Manuel Tilman iha TR, Caicoli-Díli, hafoin lori hikas petisaun da-ruak ne’e ba TR.

Mandatáriu ne’e afirma, petisaun ba da-ruak ne’e la presiza dois tersus ka 2/3 husi deputadu sira iha PN, tanba prosesu refere la’ós prosesu krime, maibé prosesu sivíl.

Antes ne’e, advogadu Manuel Tilman, deklara, petisaun CNRT hasoru PR ne’e, la’ós atu kondena Xefe Estadu, maibé husu TR atu apresia no halo fiskalizasaun abstrata, tanba konsidera PR viola ona konstituisaun RDTL.

Juíz koletivu ne’ebé indefere prosesu ne’e, iha loron 11, fulan Maiu foin la-lais ne’e mak hanesan, atuál Prezidente TR, Deolindo dos Santos, juíza Maria Natércia no juíza Jacinta Correia da Costa. san


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker