GMN TV Politika Aniceto lidera meja PN dahuluk, Bankada CNRT-PUDD-UDT-FM aujente

Aniceto lidera meja PN dahuluk, Bankada CNRT-PUDD-UDT-FM aujente

0 views

Hafoin eleitu iha semana kotuk Prezidente Parlamentu Nasionál (PN), Aniceto Guterres lidera meja PN hodi hala’o plenária dahuluk, maibé partisipa de’it husi bankada FRETILIN, PLP no KHUNTO, maibé bankada CNRT, PUDD, UDT no FM aujente iha plenária refere.

Prezidente PN, Aniceto Guterres, hateten, plenária loron dahuluk meza PN seidauk kompletu, tanba ne’e, presiza atu kompleta estrutura meza PN.

“Ohin  ita  asiste,  ita bele dehan meza seidauk kompletu, entaun tenke halo kompletu tuir dalan ne’ebé rejimentu prevé loloos ohin atu halo, ha’u deside tiha labele, tenke priense rekezitu oras 24 destituisaun bele la’o ohin ”, Prezidente PN ne’e ba jornalista sira hafoin lidera plenária iha PN, Segunda (25-05-2020).

Maibé Aniceto hahutan, tuir esperensia ne’ebé iha la priense loron oras 24,  maibé plenária deputadu 36 halo deliberasaun deside katak la presiza kumpre oras 24, tanba situasaun.

Entretantu nia parte lakohi fó sai kandidatu ne’ebé sei troka Sekretáriu no Vise Sekretáriu meza PN, tanba durante  ne’e Sekretáriu no Vise Sekretáriu la informa informasaun ba Prezidente PN, signifika sira lakohi ona.

“Nu’udár Prezidente ha’u labele husik hela paradu, tanba meza komisaun balun asume husi bankada ne’ebé okupa no bankada ne’ebé boikota aktividade PN“, tenik Prezidente PN ne’e.

Husi parte seluk, Xefe bankada CNRT, Duarte Nunes, klarifika, bankada CNRT aujente iha plenária ne’ebé lidera husi Prezidente PN Aniceto Guterres, tanba sei hein desizaun husi Tribunál Rekursu (TR).

“Ami seidauk bele partisipa aktividade ne’ebé sira organiza, sé la’e la konsisténsia ho ami nia pedidu ne’ebé mak hato’o ba TR bainhira ami husu tiha mak ami partisipa fali, ida ne’e ami nia pozisaun, tanba ne’e, CNRT sei hein desizaun husi TR kona-bá pedidu ne’ebé Prezidente PN destituidu  Arão  Noe haruka ba TR”, tenik Duarte.

“Tuir ajenda iha loron 2,5 fulan ne’e, pedidu justifikasaun falta deputadu CNRT, Ricardo Batista anunsiu admisaun baixa ba komisaun asuntu  konstitusionais no justisa no komisaun negósiu estranjeiru, defeza no seguransa, proposta lei númeru 16/V segunda lei protesaun sivíl no destituisaun no votasaun ba kargu Sekretáriu no Vise Sekretáriu meza PN la konsege realiza, tanba atu priense rekezitu tuir rejimentu PN kandidatu sira  tenke kumpre oras 24.

Tuir ajenda iha plenária loron dahuluk ne’e, PN sei halo mudansa ba kargu Sekretária no Vise Sekretáriu meza PN, liu husi votasaun sekreta, maibé deputadu sira sei hato’o intervensaun diversa, hodi hato’o kona-bá preokupasaun povu ni’an.

Maske nune’e, plenária loron dahuluk ne’e, marka prezensa husi bankada tolu de’it, hanesan FRETILN ho nia deputadu 23, PLP ho deputadu 8, KHUNTO deputadu 5 no bankada PD ho deputadu 5, enkuantu deputadu sira husi bankada CNRT, PUDD, UDT/Frente Mudansa la marka prezensa. ety


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker