GMN TV Politika Arão konsidera despaixu TR nulu

Arão konsidera despaixu TR nulu

0 views

Prezidente Parlamentu Nasionál (PN) sesante, Arão Noe, konsidera, desizaun Tribunál  Rekursu (TR) fó resposta ba ninia pedidu rekerimentu hodi husu legalidade ba destituisaun ne’e nulu, tanba desizaun ne’e la liu husi deliberasaun juíz kolektivu.

“Despaixu ne’ebé Venerendu juíz Deolindo dos Santos iha kualidade nu’udár Prezidente TR hatún ba ha’u hodi kestiona ha’u nia lejitimidade nu’udár rekerente ne’e ilegál, tanba la tuir Kódigu Prosesu Sivíl Artigu 186 rekere distribuisaun prosesu sira ne’ebé tama iha TR ba juíz kolektivu no rekere deliberasaun husi juíz kolektivu. Despaixu ne’ebé venerandu juíz Deolindo dos Santos hatún ba ha’u ne’e la liu husi deliberasaun juíz kolektivu, tanba ne’e konsidera nulu, despaixu husi desizaun singular sein liu husi deliberasaun plenária juíz kolektivu ne’e tau em kestaun venerendu juíz Deolindo dos Santos nia imparsialidade ba ha’u nia pedidu fiskalizasaun abstrata konstitusionálidade ne’ebé ha’u hatama ba TR. Despaixu ida ne’e viola Kódigu Prosesu Sivíl artigu 186 ne’ebé la foti liu husi koñesimentu juíz kolektivu, nune’e konsidera nulu ka inválidu tuir Kódigu Prosesu Sivíl Artigu 416 (d), ho violasaun ba artigu husi Kódigu Prosesu Sivíl”, Prezidente PN sesante ne’e liu husi konferénsia imprensa iha bankada CNRT-PN, Segunda (25-05-2020).

Ho nune’e, Arão, husu ba Prezidente TR atu revoga despaixu ne’ebé fó sai iha loron 22, fulan Maiu ne’e, tanba ninia pedidu ba TR ne’e ho intensaun atu hatene prosesu destituisaun ne’ebé lidera husi Vise Prezidente Parlamentu Nasionál (PN) ne’e bazeia ba lei ka la’e.

“Ha’u rekere imparsialidade husi TR venerendu juíz Deolindo dos Santos nia despaixu hodi husu ha’u nia lejitimidade nu’udár rekerente ne’e estrañu, tanba pedidu ne’ebé ha’u hatama ne’e atu husu ba tribunál sé prosesu destituisaun ba ha’u ne’e tuir konstituisaun no lei oan sira ka la’e, la’ós kestiona fali ha’u nia lejitimidade. Ha’u kontinua konsidera katak, aktu destituisaun ba ha’u ne’e viola konstituisaun RDTL artigu 99 (3) katak, Parlamentu Nasionál (PN) halo Reuniaun ordináriamente liu husi konvokasaun Prezidente PN ni’an. Reuniaun ka plenária destituisaun ba ha’u ne’e konvoka husi Vise Prezidente PN, ida ne’e inkonstitusionál”, tenik reprezentantante povu iha PN ne’e.

Enkuantu Prezidente TR, Deolindo Dos Santos, iha Sesta semana kotuk ne’e, hasa’i karta ida ba Prezidente PN sesante, Arão Noe hodi husu klarifikasaun kona-bá momentu ne’ebé bankada FRETILIN, PLP no KHUNTO aprova destituisaun. Iha karta ne’e TR husu ba eis Prezidente PN ne’e atu klarifika loloos oras deputadu sira halo votasaun ba destituisaun, iha loron 19, fulan ne’e.

Tanba TR presiza hatene informasaun  ne’e, hodi bele halo avaliasaun ba pedidu eis Prezidente PN ni’an, hodi fiskaliza konstitusionalidade artigu rejimentu parlamentár ne’ebé permite destituisaun.

Entretantu Arão Noe, entrega pedidu fiskalizasaun ba TR ne’e, iha loron 19, fulan  ne’e, iha tuku 04.00 lokraik liu minutu 35, tanba ne’e, tribunál husu klarifikasaun kona-bá lejimitidade Arão Noe ni’an bainhira hatama ninia pedidu. ety


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker