GMN TV Politika CNRT dezmente akuzasaun lori infetadu COVID-19 tama TL

CNRT dezmente akuzasaun lori infetadu COVID-19 tama TL

0 views

Sekretáriu Jerál interinu partidu CNRT, Jacinto Rigoberto, dezmente ho akuzasaun falsu ne’ebé publika liu hosi media sosial, kona-bá lori ema infetadu COVID-19 mai Timor-Leste (TL) inklui atu halo manifestasaun hasoru Prezidente Repúblika (PR) ho Parlamentu Nasionál (PN).

Líder CNRT ne’e deklara katak, informasaun hirak ne’e laloos, tanba CNRT hakarak mantein estabilidade no kontinua defende lia loos, maibe la’os ho violensia.

“ Ami mós hetan akuzasaun falsas dehan, ‘Kuadrus CNRT atu mobiliza massa iha loron 28 fulan Maiu ne’e, hodi mai halo demostrasaun, hasoru PN no PR.

Ida seluk dehan kuadrus CNRT atu lori malae sira infetadu COVID-19 mai TL’.

Hatán ba rumores ne’e, CNRT nu’udar partidu ida ne’ebé hatúr regras, hakruk ba konstituisaun no leis, tane aas valores demokrasia nian, ezerese toleransia no étika, hodi serví povu no nasaun,

Afirma katak, rumores sira ne’e falsu, laloos no laiha fundamentu, tanba CNRT envolve aan maka’as kedas desde inisiu pandemia COVID-19 tama mai TL, liuhosi nia Prezidente CNRT ne’ebé ho vontade pessoal no dedikasaun tomak ajuza inisiativas governu nian, atu bele fó resposta imediata ba nessesidades, hanesan fatin karantina inklui izolamentu no husu apoiu ekipamentu hosi Xina,

Ho Razaun ne’e mak CNRT dezmente rumores hotu ne’ebé dehan katak sei lori mala’e infetadus, tanba CNRT hein katak, instituisaun kompetentes, atu bele hala’o avaliasaun konkreta no objetiva kona-bá situasuan COVID-19 nian no impaktu ba ekonomia ba rai ida ne’e.

CNRT kontinua apoiu ba servisu hotu iha prevensaun COVID-19 nian, ”deklara Rigoberto liuhosi konferensia da imprensa, iha Sede nasionál, Bairro Grillos, Sábadu (23/05/2020).

Aleinde ne’e, Prezidente Partidu CNRT, Kay Rala Xanana Gusmão mós apela ba militantes hotu atu hakmatek, tanba iha tempu badak sei iha konferensia hodi halo avaliasaun.

“ Sei iha konferensia ida, hodi hanorin ami nia militantes sira katak, leis, konstituisaun, prinsipíus, no objetivu partidu nian, ita hotu tenke ka’er metin nafatin para hodi bele la’o, la’e ita namlele hela, halai ba mai mak nune’e hela de’it,

Ne’e ami la kompara aan ho seluk, maibe ami haree de’it ba ami nia frakeza.

Apelu boot ba militantes CNRT tomak atu tuur hakmatek, hodi ita bele haree situasaun ida ne’e, foti prinsipíu direitu demokrátiku, valores demokrasia, valores submisaun ba konstituisaun no leis hotu.”informa Xanana.Say

 

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker