GMN TV Politika CNRT-PD la konkorda estende EE, Prefere implementa de’it iha área fronteira

CNRT-PD la konkorda estende EE, Prefere implementa de’it iha área fronteira

0 views

Reprezentante povu iha uma fukun Parlamentu Nasionál (PN), liu-liu bankada CNRT no PD la konkorda ho desizaun Governu atu prolonga tan Estadu Emerjénsia (EE) ba faze datoluk no sira prefere implementa de’it iha área fronteira hanesan munisípiu Bobonaro, Covalima no Rejiaun Administrativa Espesiál Oe-Cusse Ambeno (RAEOA).

“Primeiru prolonga EE ba faze daruak ami la simu situasaun, ami hodi kontra laiha nesesidade, ita ta’uk moras laiha ona, sira ne’ebé sei iha kuarentena sei kontroladu ne’ebé ita ta’uk nasaun viziñu tama mai mak husik populasaun mós ta’uk, ne’ebé kestaun fó fasilidade ba PNTL no F-FDTL. CNRT konkorda de’it parsiál hanesan iha munisípiu Covalima, RAOEA, Bobonaro no fronteira tasi tenke reforsa ema, hodi fó fasilidade hodi hametin liña husik hela estudante sira bele estuda, CNRT konsidera razaun Governu prolonga EE, tanba de’it atu priense rekezitu husi organizaun mundiál saúde no ekipamentu mai mós ita atu halo saída  husik tama mai”, Xefe bankada CNRT ba jornalista sira iha PN, Tersa (26-05-2020).

Duarte akresenta mós katak, razaun CNRT la konkorda atu prolonga tan EE ne’e, tanba haree ba kondisaun riil povu ni’an ne’ebé presiza hala’o sira nia aktividade negósiu no selu-seluk tan, nune’e laiha nesesidade prolonga tan EE.

“Parsialmente ne’e ha’u konkorda hametin fronteira rai no tasi, husik povu la’o livre bele  hala’o nia moris, ita fó ona USD200 gasta ba fulan ida tan, ita fó tan, tanba interese povu ni’an, ami sei hato’o ami nia deklarasaun ema ida mak sei ko’alia, ami prepara ami hakarak hato’o ami nia pozisaun sira rona depois ami sai”, nia dehan.

Nune’e mós Xefe bankada PD, António da Conceição “Kalohan”, hateten, la nesesáriu  Governu husu tan prolongamentu EE ba munisípiu hotu, maibé loloos ne’e implementa de’it iha munisípiu tolu (3) hanesan Bobonaro, Covalima no RAEOA.

“Ha’u hanoin laiha ona nesesidade atu prolonga EE, maibé iha nesesidade atu proteje ita-nia fronteira munisípiu 3 ne’ebé iha fronteira ita presiza, tanba jalan tikus mós iha ralzasuan ema iha fronteira, hola medida tenke hola medida atu asegura moras ne’ebé mosu iha nasaun viziñu ne’e ita presiza buka atu proteje ita-nia nasaun, medida ne’ebé halo fronteira sira la’ós mai iha Díli ne’ebé livre ona husi Covid-19, nune’e tenke hanoin no iha kapasidade atu sustenta povu ne’e durante EE”, klarifika Kalohan.

Hatán ba preokupasaun ne’e, Sekretáriu Estadu Komunikasaun Sosiál (SEKOMS), Mericio Akara, hateten, Governu deside estende tan EE, tanba atu priense padraun husi organizasaun Mundial Saúde (OMS) ne’ebé fó ba nasaun hotu atu kumpre.

“Ita haree hanesan ezemplu oinsa nasaun ida padraun tenke prepara ho ekipamentu ho fasilidade hotu, hodi hasoru COVID-19, ita tenke rekoñese ita-nia infraestrutura, ita-nia ekipamentu seidauk kompletu, ita esforsu, maske ekipamentu ita hola, ita sei preokupa. Ho hanoin hirak ne’e  Governu prolonga EE bele fó espasu di’ak liu atu fó Governu luta kontra Covid-19 durante EE Governu konsege kontrola”, tenik SEKOMS ne’e.

Entretantu durante Prezidente PN, Aniceto Guterres lidera meja hodi halo plenária bankada CNRT la partisipa, maibé bankada CNRT sei partisipa iha diskusaun prolongamentu EE ba faze datoluk.

EE ba dahuluk hahú iha loron 26, fulan Marsu to’o loron 27, fulan Abril no Governu deside estende ba faze daruak hahú husi loron 28, fulan Abril no termina iha loron 27, fulan Maiu ne’e. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker