GMN TV Politika CPN-CNRT deside Xanana mak foti desizaun durante impase polítika

CPN-CNRT deside Xanana mak foti desizaun durante impase polítika

0 views

Comissão Política Nacional (CPN), Partidu Congresso Nacional de Reconstrução Timorense (CNRT), ofisialmente deside Kay Rala Xanana Gusmão nu’udar Prezidente partidu mak sei foti desizaun tomak durante impase polítika iha rai-laran.

II Vise Prezidente Partidu CNRT, Virgílio Smith, deklara, Partidu la autoriza deputadu sira husi bankada CNRT atu foti pozisaun partidu nian. Tanba ne’e deklarasaun ne’ebé husu Prezidente Repúblika, Francisco Guterres Lú Olo bolu líder partidu CNRT ho FRETILIN tur hamutuk hodi rezolve impase polítiku rai-laran hanesan deklarasaun individual la’os reprezenta partidu CNRT.

“CNRT konsidera deklarasaun husi deputadu sira nia, hanesan aktus individuais, la reprezenta partidu nia pozisaun. Desizaun CPN iha loron 30 fulan Abril atu fó apoiu tomak no autoriza Prezidente partidu CNRT, atu reprezenta CPN no partidu hodi hola medida no nia pozisaun no apoiu tomak polítika atual. CPN mós apoia tomak nia pozisaun ba petisaun ne’ebé hatama ona ba supremu Tribunal da Justisa ka Tribunal Rekursu iha loron 5, fulan Maiu ne’e. Pozisaun CPN-CDN no estrutura nasionál to’o munisípiu ba prezidente do paritdu maun boot Kay Rala Xanana Gusmão hodi reprezenta partidu bazeia ba desizaun CPN iha 30 de Abril 2020.”hateten Virgílio Smith liu hosi konferénsia ba imprensa iha sede nasionál, Bairro Grillos, Kuarta (06/05/2020).

Virgílio Smith subliña, CPN fó tomak konfiansa ba Prezidente partidu mak hola desizaun ba situasaun polítika atual, tanba ne’e la’os deputadu sira iha bankada.

“CPN sei hola medida no husu responsabilidade ba deputadus CNRT sira ne’ebé halo konferénsia ba imprensa iha loron 05 fulan Maiu 2020 ne’e. CPN hodi estrutura tomak Prezidente Partidu nia afirma nia konfiansa tomak no sem rezerva ba Prezidente P-CNRT maun boot Kay Rala Xanana Gusmão.”tenik Smith.

Maske nune’e, bankada FRETILIN konsidera, bankada parlamentar reprezenta partidu iha parlamentu, tanba ne’e konsidera deklarasaun bankada CNRT ne’e, nu’udar orientasaun partidu nian. maibé Bankada Fretilin rasik seidauk fó sai desizaun ruma kona-bá asuntu ne’e, tanba konsidera deklarasaun ne’e, hanesan bai-bain ne’ebé la sériu atu implementa.

“ Ne’e hanoin di’ak, dezde uluk kedas ami dehan diálogu ne’e importante ba interese Estadu ida ne’e nian, maibe realizade reasaun CNRT nian  dehan lakohi diálogu, agora mak husu fali diálogu iha momentu ne’ebé sira rasik bankada ne’e rasik hatama keixa ida ba TR hasoru PR, depois husu PR atu konvoka enkontru entre FRETILIN ho CNRT. Hanoin bankada CNRT nian la’os tarde, maibe la sériu ida, ida ne’e uluk kedan ami hakarak diálogu, diálogu tenke sai kultura polítika nasaun nian, ami hakarak mós hotu-hotu, la’os partidu boot de’it, maibe partidu ki’ik mós tama hotu iha diálogu ida ne’e, maibe reasaun ne’e mai kedas husi CNRT, ne’ebé lakohi diálogu, depois dehan diálogu ne’e la hakerek iha konstituisaun, depois agora iha situasaun ida hanensan ne’e, keixa PR ba tribunal depois husu PR atu konvida partidu rua atu rezolve impase ne’e, ne’e laloos no la sériu.”dehan Branco.

Iha Tersa (5/5/2020), xefe bankada CNRT hamutuk ho deputadu CNRT sira, liu hosi konferénsia imprensa iha Parlamentu Nasionál, husu disponibilidade xefe estadu Francisco Guterres Lú Olo,  atu bolu partidu boot rua, hanesan CNRT ho FRETILIN, hodi forma governu foun, nune’e hakotu ona impase polítiku ne’e, tanba tuir reprezentante povu husi bankada CNRT katak, situasaun atual presiza responsabilidade partidu boot, no úniku partidu boot mak bele hakotu impasse ne’e.Say


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker