GMN TV Politika Dionísio Babo: Ami seida’uk simu notifikasaun husi partidu CNRT

Dionísio Babo: Ami seida’uk simu notifikasaun husi partidu CNRT

0 views

Antes ne’e partidu CNRT halo konferénsia imprensa, iha sede nasionál CNRT, bairos dos grilhos Díli, hodi deside  retira  husi Oitavu Governu, tanba  ne’e membru  partidu CNRT,  ne’ebé  assumi pasta iha Governu livre atu rezigna-an.

Ministru Negosiu Estranjeiru no Kooperasaun, Dionísio Soares Babo hateten, seidauk simu notifikasaun individual, ba ami ida-idak.

“Hanesan membru partidu, ami hetan ona informasaun, maibé seida’uk simu notifikasaun individual, ba ami ida-idak, maibé informasaun ne’ebé liu husi media, hateten katak, partidu nia pozisaun hanesan instituisaun, la tama ona iha koligasaun, maibé hanesan membru Governu individual, ami sei hala’o servisu tuir mandatu, no tuir fiar ne’ebé mak Xefi Governu fó,” afirma, Ministru Negosiu Estranjeiru no Kooperasaun, Dionísio Soares Babo, iha Ministeriu Finansas, Kuarta (13/05/2020).

Dionísio subliña, partidu CNRT husu atu membru Governu livre vontade, tamba ne’e membru Governu husi partidu CNRT, hanoin hela maibé Primeiru Ministru, hateten katak PM lá pretende atu hasai membru Governu sira, mesmu mai husi partidu CNRT, PM hateten katak, ne’e livre ba ita bo’ot sira mak sei deside.

“Ida ne’e ami koalia hela hodi haree, se iha desizaun ruma ami tenki komunika halo didiak ho intendimentu ida ne’e mak ita bele foti desizaun, ami sei hala’o servisu hanesan normal, Primeiru Ministru fó hela fiar ba ami, tamba ita koalia, kona-ba kestaun Estadu, partidu no Governu bele troka, ne’e normal iha prosesu demokratiku, naran katak kumpri rekejitus hotu,” afirma, Dionísio.

Governante ne’e esplika, klaru ke koligasaun foun iha nia ezijensia no format foun, no buat hirak ne’e sei determina tuir mai, tamba ne’e hanesan membru Governu, hetan fiar husi PM, sei hala’o kna’ar.

Dionísio hatutan, komunikadu husi CNRT hateten katak, sé membru husi partidu CNRT deside atu mantein iha Governu, durante mandatu labele koalia em-nome husi partidu, no bainhira mandatu ne’e remata sei nafatin membru husi partidu CNRT.Cin


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker