GMN TV Politika Failansu tekniku subsídiu USD 100,00 seidauk bele realiza

Failansu tekniku subsídiu USD 100,00 seidauk bele realiza

0 views

Diretór Jeral Ministériu Solidariedade Sosial no Inkluzaun (MSSI), Rui Manuel Expostu hateten, ohin loron sanulu resin lima, Governu seida’uk bele distribui, subsídiu USD 100,00  ba kada uma kain, tanba failansu tékniku.

Tanba ne’e, Governu liu husi Ministériu Solidariedade Sosial no Inkluzaun (MSSI),husu deskulpa ba populasaun iha teritoriu Timor-Leste kona-ba distribuisaun subsídiu USD100,00 ba kada uma kain.

“Husu deskulpa ba komunidade sira, tanba tuir lolos katak ohin dia 15 ne’e mak atu halo pagamentu, maibé tanba iha problema tékniku ita la konsege halo pagamento ohin, maibé ekipa mssi hamutuk ho ministério administrasaun estatal nafatin halo esforsu, ita atu koko atu halo pagamentu iha fulan maiu ne’e nia laran ita sei la ultrapassa ida ne’e, ohin la konsege realiza prosesu pagamento ne’e, maibé nafatin mssi ho mae esforsu, iha fulan ida ne’e sei  realiza pagamento ne’e”, dehan Diretór Jeral MSSI, Rui Manuel Exposto, ba GMN iha nia knar fatin Caicoli, Sesta (15/05).

Tuir Rui Expostu, mekanismu ne’ebé mak Governu uza, atu distribui osan dolar atus ida, ba kada uma kain, liu husi semi manuál no sei haruka ba iha konta bankaria suku ni’an, maibé konta bankaria só bele asesu de’it iha BNCTL, tanba ne’e ministériu solidariedade, sei halo akordu ho BNCTL.

Nune’e BNCTL bele liu husi banku movel iha kapitál dilí no munisípiu 11 inklui rejiaun administrativa oe-cusse, hodi halo distribuisaun ba kada uma kain.

Diretór Jeral ne’e informa, seida’uk iha data fiksu kona-ba, atu distribui subsidiu dolar atus ida ne’e, maibé husu ba komunidade atu hein, tamba osan refere Governu sei distribui iha tempu badak

Antes ne’e, Governu deklara ona katak, ba sidadaun ne’ebé mak, hetan salariu husi dolar atus lima ba leten, sei la hetan subsídiu refere.

Iha parte seluk, tuir Diretór Nasionál Administrasaun Suku, Egas José Caetano, kona-ba progersu dadus kada uma kain finaliza ona ohin, maibé seidauk inklui RAEO-A, tanba dadus husi Oe-Cusse foin haruka mai iha parte lorokraik, tanba ne’e ministériu estatal sei haree, hafoin submete ba iha ministériu solidadriedade sosial.

“Kona-ba progresu levantamentu dadus kona-ba atualizasaun dadus uma kain to’o ate a data ohin ne’e konklui ona iha munisípiu hotu-hotu inklui oe-cusse, horseik ami submete ona munsipiu 11 ni’an ohin ita haruka ba fali munisipiu dili ninian no oe-cusse ni’an iha faze kross chek haruka ona”,tenik, Egas José Caetano.

Tuir dadus fixa família ne’ebé mak dadaun ne’e, MAE simu no haruka ona ba iha ministériu solidariedade sosial no inkluzaun hamutuk liu rihun atus tolu, husi númeru ne’e seidauk inklui RAEO-A.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker