GMN TV Politika FONGTIL: PN hakat liu regra demokrátiku

FONGTIL: PN hakat liu regra demokrátiku

0 views

Relasiona ho dezeentendimentu entre Membru deputadu Bankada PLP, FRETILIN, KHUNTO no mos CNRT, iha Parlamentu Nasionál (PN) hodi harahun meza Prezidente Parlamentu Nasionál (PPN) Arão Noe, Sosiedade Sivil konsidera PN hakat liu  ona regra demokrátiku  nu’udar uma fukun ba diálogu no promove edukasaun polítika ba povu .

“Deputadu no deputada iha PN nudar reprezentante povu, ida ne’e signifika povu mak nain ba ukun. Aktu la maduru iha PN la hatudu reprezentante povu”, dehan Diretór Ezekutivu Forum Organizasaun Naun Governamental Timor-Leste (FONGTIL) Daniel dos Santos, liu hosi komferensia imprensa Kuarta (20/05/2020) iha Kaikoli Díli.

Diretór FONGTIL, afirma PN Fatin ba koalia, buka razaun, laos ba baku malu. Violasaun ba regras ruma nia dalan mak prosesu ba  justisa formal. PN la sensivel  ba povu nian, bainhira povu nain ba ukun halerik hela konaba ai-han laiha, rendimentu menus, oan sira labele akompañia eskola online ho diak no toos nain sira labele transporta sira nia produtu hosi toos ba merkadu.

Maibé povu nia reprezentante iha PN, laiha sensibilidade ba problema sosial ne’ebé povu enfrenta relasiona ho impaktu covid-19, ho preokupasaun sira hirak ne’e ami Sosiedade Sivil rekomenda, PN kontinua fúnsiona  hodi koalia asuntu sira mka povu hasoru dau-daun.

“Rezolve dezeentendimentu sira tuir lei no regras Konstituisionál mak relevante, laos halo asaltu fiziku ba malu. Fiskaliza servisu governu nian hodi aselera lalais medida apoiu sosial no mós pakote monetaria mak povu hein hela”afirma Daniel.

Nia subliña, Sosiedade sivil nafatin dudu PN atu fokus halo diskusaun oinsa halo fiskalizasaun iha prosesu distribuisaun subsídiu  100 dolar, hodi labele mosu asuntu sira ne’ebé ita la espera hanesan, falsifikasaun dokumentu fixa familia hodi hetan subsídiu .

“PN tenke konsentra oinsa atu bele tau matan hanesan reprezentante povu atu halo fiskalizasaun  ba fundu covid ne’e rasik, liu-liu politika implementasaun subsídiu  ba familia uma kain sira. Saida mak akontese ita hotu hatene katak, deputadu sira la konsentra iha plenaria hodi diskute konaba saida mak povu nia nessesidade tanba laos aktu ne’ebé sira halo mak importante maibé mak povu nia vida”.Fel


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker