GMN TV Politika Fulan maiu Governu sei distribui subsídiu USD 100.00 kada uma kain

Fulan maiu Governu sei distribui subsídiu USD 100.00 kada uma kain

0 views

Governu sei distribui, subsídiu USD 100.00 ba kada uma kain, iha fulan maiu ne’e, relasiona ho pandemia COVID-19, tanba dadaun ne’e, Ministériu Administrasaun Estatal sei halo hela esforsu hodi implementa kompromisiu ne’e.

Estadu Timor-Leste promete ona atu distribui subsídiu USD 100.00 ba kada uma kain iha teritoriu Timor-Leste, relasiona ho surtu COVID -19 ne’e, maibé to’o agora seida’uk realiza tanba tenke ultra passa prosesu lubuk ida.

Tanba ne’e, Governu husu populasaun sira atu pasiensia hodi hein kompromisiu ne’e, tanba dadaun ne’e Ministériu Administrasaun Estatal halo hela verifikasaun dadus ba kada família.

“Ha’u hanoin ema hotu preokupa bainhira lo’os ita komesa distribui ita nia ajuda ne’e, ha’u atu informa tuir informasaun ita rona iha fulan maiu nia laran ita komesa fahe ona ita nia subsídiu sira ne’e ba ita nia komunidade sira,” dehan, prezidente INSS, Longhuinhos Armando, iha GMN-Bebora, Segunda (11/05).

Nune’e, nia parte mos husu ba komunidade atu kalma hodi hein, tanba situasaun ne’e foun ba Governu tanba foin hasoru.

“Maibé ha’u husu mós iha tempu ida ne’e ita hein, ita hein, tanba situasaun ne’e buat foun ne’ebé ke ita nia Governu hasoru ita nunka hasoru ita nia vida, tanba ne’e pademia covid-19 ne’e mosu nasaun preokupa no povu hotu preokupa, tanba ne’e mak se karik tarde oituan, husu ita kalma ita hein, ita nia governu koalia ona atu fó sei fó maibé ita mak tenke kalma oituan, ita kalma governu sei ajuda, ha’u rona informasaun katak iha maiu nia laran komesa ona halo pagamentu ba ita nia populasaun sira hotu”, deklara,  Longhuinhos Armando.

Longuinhos Armando esplika liutan, durante implementasaun Estadu Emerjénsia ne’e, Governu estende sistema seguransa sosial, li-liu ho porsentu neen, ne’ebé mak kompañia no Governu kontribui durante ne’e.

Prezidente INSS aprofunda liutan katak, durante situasaun Estadu Emerjénsia, traballador sira laiha direitu atu foti osan seguransa sosial, tanba sistema ne’e garante ba future.

“Iha kontribuisaun 4% no 6% ne’ebé ke traballador tenke selu ba iha serguransa sosial, ita 4% se kompañia ida nia salariu ne’e normal hela, nia selu nia traballador sira normal hela, 4% tenke selu nafatin tanba ne’e traballador nia diretu, so ita atu estende de’it 6% ida ne’ebé kompañia kontribui ba nune’e mós iha Governu, iha Governu salariu 4% koa nafatin so 6% ne’ebé ke Governu kontribui ba seguransa sosial ida ne’e mak ita estende durante Situasaun Emerjénsia, depois situasaun normal fila fali ita kontinua fali, tanba ne’e ita la’os hapara, maibé ita estende tanba Situasaun Emerjénsia”, haktuir, Longhuinhos Armando.

Estadu Timor-Leste, implementa Estadu Emerjénsia faze da uluk iha loron (28/03) no remata iha loron (27/04), hafoin ne’e Prezidente Repúblika, Estadu deside hodi estende Estadu Emerjénsia ba faze daruak, hahú husi loron (28/04) no sei termina iha loron (27/05) fulan ne’e.

Enkuantu tuir dadus ne’ebé iha, dadaun ne’e traballadór ne’ebe rejistu iha seguransa sosial liu rihun 79 no traballadór hirak ne’e mai husi kompañia inklui funsionariu Estadu.Ina


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker