GMN TV Politika Governu altera dekretu lei organika VIII Governu númeru 14/2018

Governu altera dekretu lei organika VIII Governu númeru 14/2018

0 views

Atu responde ba preokupasaun polítika, Governu liu husi Konsellu Minsitru (KM), halo alterasaun dahuluk ba dekretu lei organika VIII Governu Konstitusional númeru 14/2018, hodi halo mudansa ba kompozisaun membru Governu, projetu dekretu-lei ne’e, aprezenta husi Primeiru Ministru (PM),Taur Matan Ruak. 

“KM halo alterasaun dahuluk ba dekretu lei númeru 14/2018 loron 17 fulan agostu, kona-ba organika VII Governu Konstituisional, ho alterasaun ida ne’e preve mudansa foun ba kompozisaun Governu,” afirma, Ministru Koordenador Asuntu Ekonomika, Fidelis Leite Magalhães, iha Ministeriu Finansas, Kuarta (13/05/2020).

Ministru Fidelis esplika, liu husi aprovasaun Dekretu Lei Organika ne’e, sei aumenta pasta Vice Primeiru Ministru na’in 2, ne’ebé mak fó apoiu ba Primeiru Ministru, iha kna’ar ba kada kompetensia PM nian, Vice PM I sei tau matan ba asuntu sosiais, no Vice PM II sei tau matan ba, ordenamentu no planeamnetu,

Hari’i mós pasta foun ba Ministru Asuntus Parlamentares no Komunikasaun Sosial, Ministru ba Planu no Ordenamentu Teritóriu, Vise Ministru Turizmu Kultural no Komunitáriu, Vise Ministru Komérsiu Indústria, no ikus liu mak Vise Ministru Interior.

“Ho ida ne’e implika kargu sira ne’ebé mak sei la ejiste no para, hanesan Ministru Reforma Lejislativa Asuntu Parlamentares, no servisu MRLAP nian sei pasa hotu ba Ministru Asuntus Parlamentares no Komunikasaun Sosial, Ministru Planementu no Investimentu Estratejiku, nakfila ba Ministru ba Planu no Ordenamentu Teritóriu,”tenik, Fidelis.

Fidelis subliña liutan, kargu Ministeriu Estadu sei laiha, tamba iha ona kargu Vice PM nain 2, atribuisaun prosesu lejislativu no reforma administrativa, sei pasa fila-fali ba Prezidensia Konsellu Ministru, no kompetensia kona-ba reforma judisiaria husi MRLAP sei pasa ba Ministeriu Justisa, Komisaun Nasionál Aprozionamentu sei pasa ba, Ministeriu Finansas.

“g7+ sei hasai husi Prezidensia Konsellu Ministru (PCM), tamba g7+ nia entidade ketak ida, idenpendenti no la tama iha, kuadru administrasaun públika nian, tamba ne’e la presiza enkuadra iha Ministeriu ida nia okos, ne’e la signifika halo mate tiha g7+, maibé hasai husi PCM tamba, g7+ la presiza tutela iha Governu,” dehan, Fidelis.

Governante ne’e informa liutan, kompozisaun membru Governu muda, tamba ne’e kada situsaun, presiza halo mudansa ba estrutura Governu para bele responde ba preokupasaun polítika, no efisiensia servisu Governu nia rasik, tamba ne’e Governu halo mudansa ba estrutura membru Governu no ministeriu balun sei la ejiste tan iha futuru.Cin


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker