GMN TV Politika Governu aprova subsídiu ba ekipa liña frente USD 25.00

Governu aprova subsídiu ba ekipa liña frente USD 25.00

0 views

Governu liu husi Konsellu Ministru (KM) aprova, projetu rezolusaun governu, kona-ba valor suplementu remuneratóriu, ba funsionáriu no ajente traballadór, durante Estadu Emerjénsia, hahú husi dolar 5 to’o dolar 25.

“KM mos aprova rezolusaun ida, ne’ebé aprezenta husi MF, kona-ba sumplementu remuneratóriu ba profesionais sira, PR promulga ona dekretu lei ida, halo atribuisaun suplementuremuneratóriu ba, ita nia profisionais sira iha semana kotuk,” dehan, Ministra Finansas Interina, Sara Lobo Brites, iha sala auditoriu Kay Rala Xanana Gusmão, Ministeriu Finansa, Tersa (05/05/2020).

Sara Lobo subliña, rezolusaun ne’e produs efeitu hahu husi loron 28 fulan maio tinan 2020, tamba ita hatene bainhira COVID-19 ne’e, hahu ita nia Ministeriu Saúde sira komesa ona servisu, nia durasaun depende ba Estadu Emerjénsia.

Governante ne’e esplika, mekanismu pagamentu hein Ministeriu sira ne’ebé elezivel, tuir dekretu sira sei aprezenta sira nia lista, no montante ne’ebé atu atribui depende ba lista de prezensa no sertifikasaun husi sala de situasaun.

Ministra Sara Lobo afirma, Xefi Governu husu ba membru governu ne’ebé iha responsavel, ne’ebé mak iha area, defeza seguransa, MS atu iha serfifikasuan husi sala situasaun, hodi bele atribui montante ba ema ne’ebé mak, envolve iha servisu prevensaun  no kombate COVID-19.

“Tamba sé lae ita kria injustisa, ema ne’ebé mak la direitamente envolve maibé, simu suplementu hanesan ema ne’ebé mak husik hela sira nia familia, hodi dedika-aan ba servisu ida ne’ebé todan,” tenik, Sara Lobo.

subsidiu remuneratóriu nia montante, fixa tuir kategoria ne’ebé mak aprezenta husi, MS, Defeza Seguransa, no instituisaun seluk, pesoal ne’ebé kontaktu direta ho moras, iha fatin izolamentu no laboratorium, ho pasienti COVID-19, hetan USD 25 kada loron, ba  sira ne’ebé servisu iha kuarentena USD 20.

Governante ne’e afirma, Defeza no eguransa inklui motorista, no sira ne’ebé servisu iha fronteiras, portu, aeroportu no terestre, kada loron hetan USD 15, ba pesoal agua no saneamentu, eletrisidade, seguransa no sivil, no pesoal ne’ebé rekolla lixu, USD 5 kada loron.

“Sé mak hetan ne’e depende ministeriu ida-idak, sira mak tenki identifika sira nia ema, no lista prezensa, tamba ita selu kada loron, iha situasaun ida ne’e bele kria injustisa tamba ema hotu bele mai reklama, maibé realmente ema ida ne’ebé mak kontribui, servisu la’os ema hotu, tamba ne’e presiza hetan sertifikasaun husi sala situasaun,”afirma, Ministra Sara Lobo.Cin


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker