GMN TV Politika Kalohan: VIII Governu bele halo revizaun ba lei orgánika

Kalohan: VIII Governu bele halo revizaun ba lei orgánika

0 views

Xefe bankada PD, António da Conceição “Kalohan”, hateten, VIII Governu ne’ebé lidera husi Primeiru Ministru (PM), Taur Matan Ruak bele halo revizaun ba lei orgánika sira, maibé tenke iha orsamentu hodi sustenta gabinete sira.

“Kestaun ita haree mak ida ne’e, kriasaun pasta sira ne’e ligadu ba Orsamentu Jerál Estadu (OJE) tinan 2019 prevé ka la’e, sé liga ho OJE 2019 pasta Vise PM laiha, tenke hanoin iha implementasaun duodésimu ni’an, maibé kestaun mak ne’e atu foti osan husi ne’ebé. Pasta ne’ebé PM hamosu ne’e laiha OJE 2019, ida ne’e sai problema, tanba tenke iha osan hodi sustenta gabinete ida ne’e, VIII Governu nia programa mai husi partidu CNRT, PLP no KHUNTO, iha debate programa VIII Governu FRETILIN  vota kontra, sé FRETILIN tama ne’e nia bele implementa fali programa ne’ebé nia vota kontra, dalan di’ak mak tenke forma nunu Governu iha  programa  hamutuk”, Xefe bankada PD ne’e ba jornalista sira iha PN, Kinta (14-05-2020).

Kalohan akresenta, agora kestaun mak ne’e, bele ka la’e FRETILIN aseita CNRT nia programa, tanba durante ne’e FRETILIN rasik vota kontra programa VIII Governu.

“Ida ne’e mak sai problema, ne’ebé ita hanoin sé ita hakarak viabiliza tenke ho koridór nonu Governu, nune’e iha aseitasaun ba polítiku rasik”, tenik Xefe bankada PD ne’e.

Entretantu, projetu dekretu lei ne’e, aprezenta husi PM iha reuniaun Konsellu Ministru (KM) ho alterasaun lei orgánika ne’e, sei iha Vise PM na’in rua (2) mak apoiu Xefe Governu, Taur Matan Ruak.

Enkuantu Primeiru Vise PM sei tau matan ba asuntu  sosiál no Segundu Vise PM sei haree ba ordenamentu no planeamentu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker