GMN TV Politika Komemora aniversariu ba 46, UDT kontinua metin no hakru’uk ba K-RDTL

Komemora aniversariu ba 46, UDT kontinua metin no hakru’uk ba K-RDTL

0 views

Partidu Uniaun Demokrátika Timorense (UDT), ne’ebé hari’i iha loron (11/05/1974),selebra aniversariu ba 46 ho nia tema UDT Passado, UDT Prezente no UDT Milênio, hakruuk ba Konstituisaun Repúblika Demokratika Timor-Leste (K-RDTL).

Aproveita komemorasau loron moris UDT nian tinan ida ne’e, konsello superior polítiku UDT ho estrutura tomak hato’o parabéns ba udetista hotu, ne’ebé namkari iha territoriu Timor-Leste laran tomak no diáspora, no simpatizantes tomak.

“Nudar partidu polítiku ne’ebé hamrik primeiru iha Timor-Leste, hato’o ba públiku katak UDT uluk, UDT agora, UDT bá futuru, metin nafatin, hakru’uk ba Konstituisaun-RDTL, ho baze nafatin bá prinsípiu demókrasiano Estadu de direitu, sei kontinua fó ónra ba hérois da pátria sira, respeita veteranu sira, lideransa Estadu no lider nasional sira,  Falinti- Forsa Defeza Timor Leste no PNTL no fo esforsu tomak ba povu nia independênsia ba moris di’ak”, deklara,  Prezidente Exercício UDT, Rudolfo Henrique Aparicio, liu husi konferensia ba imprensa iha sede UDT Palapaso-Dili, Segunda (11/05/2020).

Rudolfo husu ba udetista tomak ne’ebé namkari ia teritoriu Timor-Leste, atu tau prinsípiu hirak ne’e iha neon, hahalok, no dezempeño moris. Hadook-an husi tentativas atu hamonu udetista sira ba polítiku nakukun, ne’ebé atu kontra Konstituisaun-RDTL.

Tamba UDT maka partidu dahuluk ne’ebé hakarak lori Timor ba ukun rasik-an, partidu siviladu, partidu ne’ebé hakru’uk ba istória no kultura Timor-Leste, no partidu ne’ebé sei mós husi mál-administrasaun no korupsaun tamba seidauk kaer Governu durante Timor-Leste ukun a’an, no partidu ne’ebé hakru’uk ba Konstituisaun-RDTL, demokrásia no Estadu direitu.

Rudolfo mos kontinua husu ba kompañeiru UDT tomak, labele tauk, hakfodak, labele subar-an, tamba UDT mós nudar partidu dahuluk ne’ebé hamrik ba prinsípiu fundamental ukun rasik-an husi kolonializmu sira no invazor sira.

Iha selebrasaun loron aniversariu UDT ba dala-46, konselo superior polítiku UDT ho nia estrutura tomak mos hakarak fo’o homenajen no onra ba vítima da guerra 1974-1999 ba oan kiak no feto faluk udetista sira namkari iha teritoriu laran tomak no diáspora.

“Ho selebrasaun loron UDT ba dala-46 ne’e ita hametin ita nia prinsípiu nudar udetista tamba istória hatudu katak UDT defende prinsípiu demokrásia, unidade, independênsia no anti-komunízmu iha Timor-Leste, ne’ebé uluk iha 1975 UDT funu ba atu Timor sai país soberano ida, independente, demókratiku, ne’ebé UDT hamosu iha movimentu para unidade e Independência de Timor-Dili, MUITD, iha loron 13 de agostu 1975,” haktuir, Rudolfo.

Iha selebrasaun aniversariu ne’e mós, Konsello superior polítiku UDT no nia estrutura tomak to’o iha nivel aldeia, hato’o ba públiku katak ho ezistensia UDT tinan 46 ona, afirma katak UDT kontinua metin nafatin no metin maka’as liu tan hanesan partidu polítiku dahuluk iha istória Timor-Leste, defende konstituisaun-RDTL, tamba hakarak hamutuk ho partidu sira seluk iha âmbitu pluralizmu partidária hodi lori povu Timor-Leste ba moris di’ak.

“Tempu to’o ona atu ita mós envolve a’an hamutuk ho partidu sira seluk iha dezenvolvimentu nasional hodi hadia povu nia moris di’ak, nune’e povu bele sai husi ki’ak no mukit”, hatete, Rudolfo.

Hafoin remata komferensia ba imprensa estrutura partidu UDT kontinua liu ba semiteriu públiku Becussi hodi kari ai-funan iha kruz bo’ot no mos iha matebian Gilman Exposto nia rate.Luc


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker