GMN TV Politika Luis Roberto: Rejeita KHUNTO fahe ba grupu rua

Luis Roberto: Rejeita KHUNTO fahe ba grupu rua

0 views

Membru superiór partidu KHUNTO, Luis Roberto rejeita informasaun  ne’ebé espalla iha Média Sosiál (MedSos) katak partidu KHUNTO fahe ona ba grupu rua, tanba difísil atu fahe partidu KHUNTO ne’ebé mai ho dutrina polítika kesi metin ho lisan Timor nini’an.

“Ema ida sei labele fahe partidu KHUNTO, tanba realidade hatudu faktu katak, ami sira ne’ebé mak membru deputadu ne’e mós inklui funda partidu ida ne’e, hamutuk ami nia superiór no Prezidente hodi funda partidu ida ne’e mai husi lisan, sé mak hanoin atu fahe KHUNTO, ne’e  signifika nia fahe nia lisan”, membru superiór partidu KHUNTO ba jornalista sira iha Parlamentu Nasionál (PN), Tersa (26-05-2020).

Atuál Segundu Vise PN, Luis Roberto, klarifika katak, informasaun ne’ebé espalla iha MedSos ne’e laloos, tanba difísil atu fahe partidu KHUNTO ne’ebé mai ho dutrina polítika kesi metin ho lisan Timor.

Partidu KHUNTO eziste iha loron 11, fulan Jullu, tinan 2011, ne’ebé mai husi komandu ida de’it.

Entretantu dau-daun ne’e, membru Governu husi partidu KHUNTO  ne’ebé okupa kargu iha VIII Governu konstituisionál hanesan Ministra Solidaridade Sosiál no Inkluzaun, Armanda Berta dos Santos, Ministru Transporte no Komunikasaun, José Agostinho da Silva, Ministru Agrikultara no Peskas, Joaquim dos Santos, Vise Ministru Óbras Públika, Nicolau Lino Freitas Belo, Vise Ministru Edukasaun, João Jacarias, Sekretáriu Estadu ba Polítika Formasaun Profisionál no Empregu, Julião da Silva, Sekretáriu Estadu Terras no Properiedade, Mário Ximenes no Sekretáriu Estadu Protesaun Sivíl, Alexandrino de Araújo. ety


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker