GMN TV Politika MAE-MSSI sei reverifika dadus subsídiu ba família sira

MAE-MSSI sei reverifika dadus subsídiu ba família sira

0 views

Ministériu Administrasaun Estatal (MAE), hamutuk ho Ministériu Solidaridade Sosiál no Inkluzaun (MSSI), iha Sesta, loron 8, fulan ne’e sosializa mekanizmu apoiu monetáriu ba uma-kain, ba autoridade munisípiu, Administradór munisípiu no Diretór Sentru Solidaridade Sosiál Munisípiu iha Caicoli-Díli.

Vise Ministru Administrasaun Estatal, Abílio José Caetano, hateten, dekretu lei ne’ebé aprova iha Konsellu Ministru (KM) limite ba funsionáriu ne’ebé ho nia rendimentu boot liu USD500, nune’e hirak ne’ebé ho saláriu USD500 ba leten sei la hetan subsídiu.

“Primeiru kan dehan universal, maibé depois dekretu lei ne’e aprovadu iha

KM iha ne’ebá artigu 2 hateten agregadus ne’ebé ho vensimentu boot 500, administrasaun públiku tantu setór privadu sira sei la tama iha ne’e, entaun konserteza iha nivel suku no nivel aldeia tenke identifika ema sira ne’e, infelizmente dadus ne’e mai ona, ita sei halo cross check iha nivel MSSI para haree se mak iha vensimentu USD500”, Vise MAE ne’e ba jornalista sira iha ninia kna’ar fatin, Kolmera-Díli, foin la-lais ne’e.

Husi sorin seluk, Ministra Solidaridade Sosiál, Armanda Berta, hateten, pagamentu ba subsídiu familiar sei implementa de’it ba fulan Abríl, tanba bazeia ba orsamentu ne’ebé iha.

“Kriteriu sira ne’e ita hatuur kedas iha diploma ministeriál para atu bele la’o tuir orsamentu ne’ebé ita atu fó apoiu soliedaridade ba ita-nia komunidade sira, osan ne’ebé sei fahe ne’e fulan Abril ni’an no mós ita haree iha tempu emerjénsia ida ne’e, tanba ita haree mós ba orsamentu”, dehan Armanda.

MAE no MSSI mós apela ba autoridade lokál atu labele halo kobransa voluntáriu ba família, ne’ebé simu ona subsídiu, tanba laiha orientasaun husi parte kompetente. san

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker