GMN TV Politika ONU sei implementa programa 6 iha TL ba futuru

ONU sei implementa programa 6 iha TL ba futuru

0 views

Governu Timor-Leste(TL) asina akordu ho Organizasaun Nasõens Unidas (ONU) hodi fó dalan ba ONU atu implementa, programa dezenvolvimentu sustentavel  6 iha Timor-Leste iha tinan 5 oin mai.

“Plata forma programatika kona-ba dezenvolvimentu sustentavel, ne’ebé ONU halo, iha Timor-Leste ba iha tinan 5 mai, no kada tinan 5 ita tenki deskuti kona-ba programa saida mak sira tenki konfirma ho ita nia planu dezenvolvimentu nasionál iha tinan 5 oin mai,” dehan, Ministru Negosiu Estranjeiru no Kooperasaun, Dionísio Babo, iha edifisiu MNEK, Kinta (14/05/2020).

Governante ne’e hatutan, iha Konsellu Ministru (KM), ONU aprezenta area dezenvolvimentu 6, ne’ebé sei halo iha tinan 5 mai, hamutuk ho ONU, hahu husi, seguransa alimentar, kombate kiak, mudansa klimatika, nutrisaun, dezentralizasaun, boa Governasaun no area ne’ebé diak, hodi dezenvolve hodi hadia povu nia bem-estar.

“Programa 6 ne’e KM aprova ona, no ohin (horseik-red), UN asina akordu ho Governu TL, no sira sei lori ba UN, espera katak iha Setembru tinan ida ne’e UN aporva, bainhira aprova sai hanesan plataforma programatika jeral, sei lori mai nasaun iha mundu iklui TL, ita nia Governu foun sei servisu hamutuk ho sira, hodi implementa pontu 6,” tenik, Dionísio.

Iha fatin hanesan,Kordenadór Residensia ONU iha Timor-Leste, Roy Trivedy, agradese ba Governu Timor-Leste, tamba fó ona biban ba ONU, hodi implementa programa dezenvolvimentu sustentavel 6 iha Timor-Leste.

“Ami haksolok tamba Governu TL, aprova planu estratejiku ba periodu tinan 5 iha futuru,  no agradese ba MNEK ne’ebé suporta no ajuda planu, Nasõens Unidas iha TL, tamba ne’e ami presiza prepara, planu hodi implementa,” subliña, Roy.

Roy esplika, planu ne’e foka liu ba area 6, primeiru agrikultura, nutrisaun, seguransa alimentar, agrikultura, segundu oportunidade, ekonomia, no servisu dignu ba ema hotu, terseiru prosesu aprendizajen iha vida tomak, kuatru saúde , bem estar, kintu Governasaun inkluzaun, akuntabilidade, mellora servisu publiku, no ikus liu mak igualidade jeneru.Cin


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker