GMN TV Politika Padre Maubere: Impase polítiku atuál falun ho interese partidária

Padre Maubere: Impase polítiku atuál falun ho interese partidária

0 views

Padre Domingos Maubere, konsidera, situasaun polítika ne’ebé la’o durante tinan tolu (3) nia laran ne’e hanesan falun ho interese individuál ka grupu ni’an, tanba la prioritiza ba povu nia susar no terus.

Nune’e padre ne’e mós husu ba Partidu Polítiku (ParPol) sira ne’ebé eziste iha Timor-Leste tenke haree kuadru partidu ne’ebé iha kapasidade no intelektualidade, hodi kaer pasta iha kualker governasaun ne’ebé mai.

“Ha’u simpatiza ho partidu hotu-hotu ne’ebé mak hakarak duni povu nia moris di’ak, ho CNRT, tanba ha’u-nia maluk ne’ebé uluk ami servisu hamutuk iha CNRT, konsellu ne’ebé ha’u haruka ha’u nia mensajen ne’e dehan buka ba, ita tenke hamutuk dada ita-nia povu, ne’e duni iha ha’u nia mensajen ne’e dehan imi ajuda lisuk maun Xanana ba, atu hadi’a uluk uma laran”, Padre Domingos ne’e ba GMN iha ninia rezidénsia, Becora-Díli, Kuarta (27-05-2020).

Padre ne’e mós dehan tan, wainhira kuadru ne’ebé involve iha ParPol tenke iha espíritu patriotizmu, nune’e bele asume papel ho responsabilidade hodi serví povu.

“Ema ne’ebé tama iha Governu ka elenku governamental ne’e tenke ema ne’ebé hadomi duni rai ida ne’e, espíritu patriotizmu ne’e tenke iha no tenke iha kapasidade hodi orienta pasta ne’e tenke ba oin no sé mak ba iha deputadu tenke hili di-di’ak, tanba ne’e maka tenke buka ema ne’ebé fó duni laran, tanba ne’e ha’u la julga ema ida, maibé buat ne’ebé ema halo iha kotuk povu hatene momoos no ikus mai mosu fali iha povu nia le’et, povu bele dehan uluk oin ida-agora oin seluk”, afirma Padre Domingos.

Entretantu Padre ne’e esplika, iha Komisaun Rekollamentu no Verdade no Rekonsiliasaun ka (CAVR-Sigla Portugés) fó hanoin katak, ita hotu-hotu nu’udár Timor-Oan tenke simu malu, hafoin hetan liberdade, maibé tenke konfesa no kumpre fali buat ne’ebé mosu iha pasadu.

“CAVR ne’e dehan ita hotu-hotu Timor-Oan, rai ida ne’e ita hotu-hotu ni’an, nune’e ita halo akollamentu ka simu, maibé segundu ne’e mak a verdade, sé o halo buat ruma, halo ema ruma nia fuan kanek, o kontra karik rai ida ne’e, ita tuur ko’alia di-di’ak lai, o mai esplika fali, tanba sá uluk o halo ida ne’e hafoin ita hakat ba rekonsiliasaun”, tenik saserdote ne’e.

Saserdote ne’e mós konsidera asaun ne’ebé mosu iha Parlamentu Nasionál (PN) ne’e hanesan hamihis konfiansa povu ni’an ba órgaun Estadu ni’an, tanba meza PN konsidera hanesan fatin ne’ebé diskute no rezolve problema nasaun ni’an.

Entretantu Padre Domingos afirma mós katak, atu hari’i fila-fali meza PN ne’ebé dau-daun ne’e baku fila, presiza halo ho aktividade rituál ka kultura Timor ni’an. san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker