GMN TV Politika ParPol lahetan asentu PN alerta ba PR hasai kamiza FRETILIN disolve PN dekreta EA

ParPol lahetan asentu PN alerta ba PR hasai kamiza FRETILIN disolve PN dekreta EA

0 views

Partidu polítiku (ParPol) ne’ebé lahetan asentu iha Parlamentu Nasional (PN) hanesan PST, APMT, PLPA, PDC, MLPM alerta ba Prezidente Repúblika (PR), Francisco Guterres Lú Olo, hasai tiha lai kamiza partidu FRETILIN hodi sai lolos PR ba povu tomak atu bele disolve V lejislatura no dekreta Eleisaun Antesipada (EA) ba daruak hodi nune’e bele hakotu impase polítiku ne’ebé dura to’o agora.

“Ba evolusaun impase polítika ne’ebé la’o iha tinan tolu nia laran hahú husi 2017 to’o 2020 ne’ebé halo povu terus bebeik, análiza didiak tiha ninia etapa sira ami to’o konkluzaun katak, ida, Prezidente Repúblika la hala’o ninia knaar tuir konstituisaun haruka hahú kedas husi tinan 2017 tanba FRETILIN mak ukun Prezidente Repúblika (Lú Olo) buka meius oi-oin hodi ikus mai dekreta eleisaun antesipada, Prezidente Repúblika hatudu momos katak, la hasai nia kamiza FRETILIN hodi sai Prezidente ba povu tomak. Prezidente Parlamentu Nasional, Aniceto Guterres, apezar de AMP halo rekerimentu atu halo destituisaun da meja Parlamentu Nasional, maibe Aniceto Guterres (eis PPN) nunka ajenda, nia dada hodi hein tempu to’o ba disolusaun Parlamentu Nasional. Agora Aniceto Guterres mak sai fali ulun bo’ot ida (proponente) hodi husu destituisaun ba meja PN embora nia hatene katak, CNRT sei halo tuir saida mak nia hanorin. Iha vida demokrasia Estadu RDTL ne’ebé mai mos kole no fó ami-nia vida tomak hodi liberta. Tanba ne’e Prezidente PN Arão Noe sei halo tuir no ita sei hodi malu ba eleisaun antesipada daruak. Prezidente Repúblika, halo tiha meja redonda, maibe tanba rezultadu la hatudu envolvimentu FRETILIN iha estabelesimentu Aliansa Maioria Parlamentar atu forma Governu foun ka IX Governu, tau tiha iha nia gaveta proposta ne’ebé mak AMP foun (lideradu Kay Rala Xanana Gusmão) aprezenta, laiha resposta. Partidu balun halai sai husi koligasaun foun lahatene tanba sa? Ba viabiliza duni Governu ne’ebé mak AMP tuan estabelese sira mos hola parte. Maibe realidade polítiku ida ne’e mak partidu polítiku sira ne’ebé iha asentu parlamentar hatudu mai ita”deklara porta voz husi partidu sira ne’ebé lahetan asentu parlamentar rezultadu eleisaun antesipada primeiru ne’ebé hala’o iha tinan 2018, Veteranu Reis Kadalak ba jornalista sira Tersa (11/5/2020), liu husi konferénsia ba imprensa iha Díli.

Tuir portavoz Reis Kadalak, katak, ho evolusaun polítika ne’ebé la’o iha rai-laran ne’e mak sira konklui katak, “Ida. iha tendensia husi grupu balun atu hamonu, izola, no dezmarjinaliza líder istóriku no líder máximu da rezistensia maubere, Kay Rala Xanana Gusmão, no buka atu redus nia knaar iha vida polítika estadu nian ne’ebé nia ho terus ho testemuña rasik ba ninia soldadu sira, ba povu tomak ne’ebé fakar-ran hodi harii iha peíodu rezisténsia nasional nia laran. 2. Grupu polítiku balu tenta fahe líder istóriku sira hodi nune’e sira bele penetra lalais liu iha orgaun de Estadu hodi halo polítika ne’ebé ita lahatene atu lori ita ba ne’ebé? Polítika joga ba-joga mai hodi alkansa sira-nia interese polítiku.”

Atu evita Estadu RDTL monu ba lasu naruk ne’ebé ema hatúr hela, mak Reis Kadalak dehan, “Ami partidu polítiku ne’ebé la liu bareira, ami mos lidera rezisténsia iha ai-laran durante tinan 24 nia laran. Tanba ne’e ami apela: Ida, atu lalika halo povu kole ba eleisaun antesipada mak CNRT no FRETILIN tenke intende malu hodi salva Estadu no salva líder istóriku sira husi manipulasaun polítika. CNRT ho FRETILIN hamutuk tenke halo revizaun lalais ba lei partidu polítiku hodi nune’e define loloos se mak bele harii partidu no partidu ne’e mak saida? 2. Deputadu sira tenke kumpri rejimentu Parlamentu Nasional hodi labele halo aktus hadau malu meja PN que la tuir rejimentu hodi fó ezemplu a’at ba ita-nia jerasaun foun tuir mai, foti meja sem tuir regras maka ema dehan golpe parlamentar. Se ne’e mak akontese duni golpe hasoru meja parlamentu nasional ne’ebé líder istóriku ida nia partidu mak lidera hela povu maubere sei la tolera aktu ne’e. Prezidente PN Arão Noe sei estuda rekerimentu ne’e halo tuir deputadu sira ne’ebé hatama ona petisaun ba Tribunal Rekursu la’os ba asaltu meja PN. Tanba se imi halo aktu hadau meja ka asaltu meja, maka ami partidu konkorente iha eleisaun antesipada ne’ebé laiha asentu mos ami iha direitu atu tama ba PN hadau kadeira iha PN. Se imi halo, ami mos sei bulak liu imi e ami sei haruka ami-nia kuadru sira ba tur iha kadeira PN tanba lei laiha ona, regras laiha ona, se mak brani, nia mak manan. Ami brani duni no ami sei manan duni. Dalan diak liu ba PR Lú Olo ba FRETILIN no ba líder istóriku sira atu labele fahe malu mak ami partidu polítiku ne’ebé temi ona ho hakruk no haraik-an atu PR Lú Olo dekreta lalais disolusaun ba Parlamentu Nasional no konvoka eleisaun antesipda daruak hodi nune’e hakotu lalais krizi polítika, krizi finanseira no krizi ekonómika iha ita-nia rai. Ami apela mos ba funu nain hot-hotu iha rai-laran atu neon nain, matan moris fó solidaridade bo’ot ba ita-nia Kay Rala Xanana Gusmão”,dehan Reis Kadalak.Nes

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker