GMN TV Politika PLP sei obriga Vise PPN dijiri meja PN ■CNRT: Ne’e asalta poder ba orgaun soberania

PLP sei obriga Vise PPN dijiri meja PN ■CNRT: Ne’e asalta poder ba orgaun soberania

0 views

Vise Xefe bankada PLP, Francisco de Vasconcelhos, informa, semana oin Vise Parlamentu Nasionál (PN) na’in rua hanesan Maria Angelina Sarmento no Luis Roberto obrigatóriu sei realiza plenária bainhira ajenda atu realiza plenária tuir rejimentu PN, iha Segunda no Tersa kada semana.

Maske deputadu sira husi bankada FRETILIN, PLP no KHUNTO hato’o ona karta destituisaun ba Prezidente PN, Arão Noe, maibé hetan rejeisaun husi Prezidente PN, tanba konsidera laiha baze fundamentu.

Maske Prezidente PN rejeita karta destituisaun, maibé deputadu bankada tolu (4) refere iha loron 11, fulan ne’e, haruka kedas karta insisti ba Prezidente PN.

“Sé bainhira Prezidente PN la halo ajenda hodi halo  plenária, Vise na’in rua obrigadu tenke dirije meja hodi realiza plenária kona-bá bainhira mak atu realiza, ita hein ajenda plenária, tanba rejimentu fó dalan iha artigu 14, maske Prezidente la delega no aujente, nia iha impedimentu ruma, nia labale tuur nono’ok”, Vise bankada PLP ne’e ba jornalista sira iha PN, Tersa (12-05-2020).

Tuir Francisco, PN sei la depende ba ema ida no PN depende ba plenária, sé de’it mak sai Prezidente PN tenke asume ninia responsabilidade.

“Maske la liu husi enkontru líder bankada, maibé rejimentu PN ko’alia plenária tenke delivera husi konferénsia líder bankada, maibé plenária  Segunda ho iha Tersa feira ne’e tuir rejimentu PN. Hanesan ohin ne’e  rejimentu ida ne’e Prezidente sala tiha ona, maske Prezidente la autoriza ne’e la’ós hadau poder, tanba poder ne’e plenária mak iha poder, Prezidente PN laiha poder, maibé jere de’it lala’ok PN, poder soberanu iha  plenária no plenu poder iha maioria”, tenik Vise bankada PLP ne’e.

Husi sorin seluk, Vise Xefe bankada CNRT, Patrocinio Fernandes, hateten,  maske bankada sira halo presaun ba Vise na’in rua, maibé CNRT fiar katak Vise sira sei la diriji meza, hodi realiza plenária bainhira laiha autorizasaun husi Prezidente PN.

“Ha’u nia hanoin Vise na’in 2 sei la halo buat ne’ebé maka kontra lei, maske bankada sira halo presaun ba Vise na’in 2 la halo ne’e, tanba rejimentu la fó dalan bainhira Prezidente PN mak delega servisu ba sira. CNRT fiar Vise na’in 2 sei la monu ba lasu tenta sira ne’ebé atu dudu dau-dauk Vise na’in 2 ba fatin klo’ot, tanba laiha dalan, nein artigu atu fó kompeténsia Vise diriji meza bainhira la hetan autorizasaun husi  Prezidente PN. Sé Vise na’in 2 diriji duni, ne’e signifika akontese asalta poder, depois mak ita haree, ha’u labele antesipa kedas seidauk akontese, iha imajina de’it, hau fiar katak ida ne’e sei la akontese”, tenik Patrocinio.

Enkuantu deputadu sira husi bankada 3 aprezenta karta destituisaun  bazeia ba rejimentu PN artigu 16 no artigu 17 fó kompeténsia ba Prezidente PN atu ajenda no organiza sesaun plenária,” klarifika.

Antes ne’e, Prezidente PN, Arão Noe, hateten, nia parte lakohi interfere  wainhira Vise sira hakarak lidera plenária sein autorizasaun husi nia (Prezidente PN). ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker